ەلشى ساتىبالدى بۇرشاقوۆ ءوز سوزىندە ەكى مەملەكەت اراسىنداعى ساۋدا-ەكونوميكالىق ىنتىماقتاستىقتىڭ نەگىزگى باعىتتارى تۋرالى حابارلاپ, ءيزرايلدىڭ بيزنەس قاۋىمداستىعىن ينۆەستيتسيالىق ىنتىماقتاستىقتىڭ الەۋەتىن ءتيىمدى پايدالانۋعا شاقىردى.
ءوز كەزەگىندە, ن. دايىربەكوۆ ەلىمىزدەگى اگرارلىق ونەركاسىپتىڭ باسىم باعىتتارىمەن تانىستىرىپ, سالانى مەملەكەت تاراپىنان قولداۋ شارالارى مەن ونىڭ ينۆەستيتسيالىق تارتىمدىلىعى تۋرالى ايتىپ بەردى.
ءيزرايلدىڭ تەحنولوگيالىق جانە عىلىمي مول تاجىريبەسىن ەسكەرە وتىرىپ, ۆيتسە-مينيستر وسى ەلدىڭ كومپانيالارى مەن عىلىمي-زەرتتەۋ ۇيىمدارىن اۋىل شارۋاشىلىعى سالاسىندا بىرلەسكەن جوبالاردى جۇزەگە اسىرۋعا جانە زەرتتەۋلەر جۇرگىزۋ ءۇشىن تىعىز ىنتىماقتاستىق ورناتۋعا شاقىردى.
سونىمەن قاتار, بەينەكونفەرەنتسيا بارىسىندا «يزرايل-قازاقستان» ساۋدا-ونەركاسىپتىك پالاتاسىنىڭ وكىلدەرى ميحاەل روە مەن موشە مازينتەر, LR Group باس ديرەكتورى امي ليۋستيگ جانە Terra Verde كومپانياسىنىڭ پرەزيدەنتى دجوناتان سپەنسەر ءسوز سويلەدى.
ءىس-شارا ناتيجەسىندە الادعى جەلتوقسان ايىندا قازاقستانعا ءيزرايلدىڭ بيزنەس-ميسسياسىن ۇيىمداستىرۋدى جوسپارلاۋ تۋرالى ۋاعدالاستىققا قول جەتكىزىلدى.
