ەسەتجان مۇرات ۇلى قوسۋباەۆ مەملەكەتتىك باسقارۋ ورگاندارىندا قىزمەت ەتكەن, قر مادەنيەت, اقپارات جانە سپورت مينيسترلىگىن باسقارعان, مەدياكومپانيالار مەن قوعامدىق قۇرىلىمدارعا باسشىلىق ەتىپ, مادەنيەت سالاسىندا ءتۇرلى جوبالاردى ۇيىمداستىرعان.
1955 جىلى الماتى قالاسىندا دۇنيەگە كەلگەن. 1980 جىلى س.كيروۆ اتىنداعى قازاق مەملەكەتتىك ۋنيۆەرسيتەتىنىڭ تاريح فاكۋلتەتىن تامامداعان. ءىرى حالىقارالىق ونەر فورۋمدارىن, قوعامدىق اكتسيالاردى, ءىس-شارالاردى ۇيىمداستىرۋعا جانە وتكىزۋگە اتسالىسقان. ءار جىلدارى «ارت-تسەنتر» پروديۋسەرلىك ورتالىعىنىڭ باس ديرەكتورى, «الماتى – مويا پەرۆايا ليۋبوۆ» رەترو فەستيۆالىنىڭ پروديۋسەرى جانە جۇرگىزۋشىسى بولعان, «ازيا داۋىسى» حالىقارالىق مۋزىكالىق فەستيۆالدەرىنىڭ ىرگەتاسىن قالاعانداردىڭ ءبىرى. «اسىل مۇرا» قامقورشىلىق كەڭەسىنىڭ قۇرامىندا بولعان, سونىڭ ارقاسىندا كورنەكتى قازاق كومپوزيتورلارىنىڭ شىعارمالارى بار ءبىر جارىم مىڭنان استام مۇراعاتتىق جازبالار قالپىنا كەلتىرىلگەن
بىرنەشە جىل مادەني-قوعامدىق ينستيتۋتتاردى باسقارعان. كوممەرتسيالىق جانە قارجى قۇرىلىمدارىن باسقارۋ تاجىريبەسى بار. قازاقستاندى مادەني, الەۋمەتتىك جانە عىلىمي-تەحنيكالىق دامىتۋ قورىنىڭ باس ديرەكتورىنىڭ ورىنباسارى, «بوبەك» بالالار قايىرىمدىلىق قورىنىڭ ۆيتسە-پرەزيدەنتى, «Kazenergy» قوعامدىق قورىنىڭ پرەزيدەنتى لاۋازىمدارىندا قىزمەت ەتكەن. «التىن-الما» اق باسقارما توراعاسى, «سويۋز «اتامەكەن» قازاقستاننىڭ ۇلتتىق ەكونوميكالىق پالاتاسىنىڭ باسقارما مۇشەسى بولعان.
مەملەكەتتىك باسقارۋ ورگاندارىندا جۇمىس جاساۋ تاجىريبەسى مول. 2002 جىلى مەملەكەت باسشىسى اكىمشىلىگىنىڭ ءباسپاسوز ورتالىعىنىڭ باسشىسى لاۋازىمىنا تاعايىندالعان. 2004 جىلى — قر پرەزيدەنتى اكىمشىلىگىنىڭ ىشكى ساياسات باسقارماسىنىڭ باق جانە قوعامدىق بايلانىس ءبولىمىنىڭ جەتەكشىسى. 2004 جىلدان 2006 جىلعا دەيىن – قازاقستان رەسپۋبليكاسىنىڭ مادەنيەت, اقپارات جانە سپورت ءمينيسترى.
ەسەتجان مۇرات ۇلى وتاندىق مەدياقۇرىلىمداردىڭ, كينو مەن تەلەۆيزيانىڭ اياققا تۇرۋىنا جانە دامۋىنا زور ۇلەس قوسقان. «راۋان مەديا گرۋپپ» كومپانياسىنىڭ ديرەكتورلار كەڭەسىن باسقارعان. 1998 جىلى ورتالىق ازياداعى ەڭ ءىرى كينوفورۋم – «ەۆرازيا» ءبىرىنشى حالىقارالىق كينوفەستيۆالىنىڭ باس ديرەكتورى بولىپ تاعايىندالعان. ەۋرازيا تەلەۆيزيا اكادەمياسىنىڭ مۇشەسى (ماسكەۋ قالاسى). 2001 جىلى قازاقستانداعى الدىڭعى قاتارلى مەدياكورپوراتسيانىڭ - «قازاقستاندىق تەلەۆيزيا جانە راديو» رەسپۋبليكالىق كورپوراتسياسىن» جاق باسقارما توراعاسى بولىپ تاعايىندالعان.
ە. قوسۋباەۆتىڭ شىعارماشىلىق ءومىربايانىندا جەكە اكتەرلىك تاجىريبەسى بار, سونىڭ ىشىندە اتاقتى كەڭەس رەجيسسەرى يۋري چۋليۋكيننىڭ «ي ۆ شۋتكۋ, ي ۆسەريوز...» فيلمىندە (1963 ج.) باستى ءرولدى سومداعان. قازىرگى تاڭدا, ە.قوسۋباەۆ «شاكەن ايمانوۆ اتىنداعى «قازاقفيلم» اق – ەلىمىزدىڭ ءىرى كينوستۋدياسىنىڭ ديرەكتورلار كەڭەسىنىڭ مۇشەسى جانە تاۋەلسىز ديرەكتورى بولىپ تابىلادى.
«قۇرمەت» جانە 2 دارەجەلى «دوستىق», رەسەيدىڭ چەرنوبىل ارداگەرلەر كوميتەتىنىڭ «دولگ ي چەست» وردەندەرىمەن, سونىمەن قاتار, ءتۇرلى توسبەلگىلەرمەن جانە مەدالدارمەن ماراپاتتالعان, ونىڭ ىشىندە بلكجو وك «ەڭبەك ەرلىگى» بەلگىسى, «چاەس اپاتتىڭ سالدارىن جويۋدىڭ قاتىسۋشىسى» قۇرمەت بەلگىسى, «شاپاعات» مەدالى, «قازاقستان رەسپۋبليكاسىنىڭ تاۋەلسىزدىگىنە 10 جىل» مەدالى, «قازاقستان رەسپۋبليكاسىنىڭ كونستيتۋتسياسىنا 20 جىل» مەدالى جانە ت.ب. قازاقستان رەسپۋبليكاسىنىڭ پرەزيدەنتى اتىنان بىرقاتار العىس حاتتار بەرىلگەن.
الماتى
