ءىس-شارانىڭ باستى دەمەۋشىسى – SANTO كومپانياسى «گيپەرتونيادان جۇرەك جەتكىلىكسىزدىگىنە: دارىلىك زاتتاردى تاڭداۋداعى باسىمدىقتار وزگەرە مە؟» ساتەلليتتىك سيمپوزيۋمىنا ۆولگوگراد مەملەكەتتىك مەديتسينا ۋنيۆەرسيتەتىنىڭ كارديولوگيا جانە فۋنكتسيونالدىق دياگنوستيكا كافەدراسىنىڭ مەڭگەرۋشىسى, جۇرەك جەتكىلىكسىزدىگى جونىندەگى ماماندار قوعامىنىڭ باسقارما مۇشەسى يۋ.لوپاتين (رەسەي) مەن PhD, قازاقستانداعى كارديولوگيا جانە ىشكى اۋرۋلار عزي كارديولوگيا جانە وڭالتۋ بولىمشەسىنىڭ مەڭگەرۋشىسى, جۇرەك جەتكىلىكسىزدىگى جونىندەگى ەۋروپالىق قاۋىمداستىق پرەزيديۋمىنىڭ مۇشەسى ا.راقىشەۆا سىندى سپيكەرلەردى شاقىردى.
سونداي-اق, عىلىمي فورۋمعا قازاقستاننىڭ جەتەكشى كارديولوگ عالىمدارى مەن بەلگىلى شەتەلدىك ماماندار, كارديولوگيا ماسەلەلەرىمەن جانە جۇرەك-قان تامىرلارى اۋرۋلارىمەن اينالىساتىن عىلىمي قوعامداستىقتار مەن ورتالىقتاردىڭ, ينستيتۋتتاردىڭ, كلينيكالاردىڭ وكىلدەرى مەن وڭىرلىك مەديتسينالىق مەكەمەلەردىڭ تاجىريبەلى دارىگەرلەرى قاتىستى.
بيىلعى قالىپتاسقان جاعدايعا بايلانىستى, كونگرەسس ونلاين رەجىمىندە ءوتتى (تىركەۋ جانە ترانسلياتسيا سايتتا جۇرگىزىلدى http://kzcardio.org/), بۇل قاتىسۋشىلاردىڭ كوبىرەك قامتۋعا مۇمكىندىك بەردى.
كونگرەسس باعدارلاماسى وزەكتى تاقىرىپتاردى قاراستىردى, اتاپ ايتقاندا, پلەنارلىق وتىرىستار كورونارلىق قاۋپى جوعارى پاتسيەنتتەردى كەشەندى قورعاۋ ماسەلەلەرىنە, قازىرگى الەمنىڭ جاھاندىق پروبلەمالارى اياسىندا جقا بار پاتسيەنتتەردى جۇرگىزۋدىڭ جاڭا تاكتيكالارىنا ارنالدى.
عىلىمي سيمپوزيۋم بارىسىندا سپيكەرلەر جۇرەكشە فيبريللياتسياسى بويىنشا جاڭا ۇسىنىستارمەن ءسوز سويلەدى, قاتىسۋشىلاردى سوزىلمالى جيا بار پاتسيەنتتەردە ترومبوزعا قارسى تەراپيانىڭ ەرەكشەلىكتەرىمەن, جف بار ەگدە پاتسيەنتتەردى ەمدەۋدە تەوريانى پراكتيكادا دۇرىس پايدالانۋمەن, ەЅس 2020 ۇسىنىستارىمەن, زاماناۋي ۇسىنىمدار اياسىندا ستاتينوتەراپيانىڭ كورسەتىلىمدەرىمەن جانە قاۋىپتەرىمەن, جۇرەك جەتكىلىكسىزدىگىن ەمدەۋدىڭ جاڭا الگوريتمىمەن تانىستىردى. سونداي-اق, سجج جانە 2 ءتيپتى قانت ديابەتى كەزىندەگى قاۋىپتەردى موديفيكاتسيالاۋ مۇمكىندىكتەرى, 2 ءتيپتى قانت ديابەتى بار پاتسيەنتتەردە جۇرەك-قان تامىرلارى اۋرۋلارىنىڭ الدىن الۋ ەرەكشەلىكتەرى, قانتتى تومەندەتەتىن تەراپيانىڭ پەرسپەكتيۆالارى قاراستىرىلدى.
كونگرەستە پروفەسسور, ەۋروپالىق جۇرەك ىرعاعى قاۋىمداستىعىنىڭ پرەزيدەنتى, ەۋروپالىق كارديولوگتار قوعامى پرەزيديۋمىنىڭ مۇشەسى, رەنن ۋنيۆەرسيتەتىنىڭ اۋرۋحاناسىنىڭ كارديولوگيا جانە تامىر اۋرۋلارى ءبولىمىنىڭ باستىعى, كريستوف لەكلەرك (Christophe Leclercq), (فرانتسيا), پروفەسسور, رعا كوررەسپوندەنت-مۇشەسى, ەات پرەزيدەنتى, ن.ي.پيروگوۆ اتىنداعى رۇزمۋ پروپەدەۆتيكا جانە ىشكى اۋرۋلار كافەدراسىنىڭ مەڭگەرۋشىسى, رف ەڭبەك سىڭىرگەن دارىگەرى گريگوري ارۋتيۋنوۆ, (رەسەي), پروفەسسور, قازاقستان كارديولوگتارى قاۋىمداستىعىنىڭ پرەزيدەنتى, «س.د.اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتى» كەاق كارديولوگيا كافەدراسىنىڭ مەڭگەرۋشىسى, ەۋروپالىق كارديولوگتار قوعامى پرەزيديۋمىنىڭ مۇشەسى ءسالىم بەركىنباەۆ (قازاقستان) سىندى وتاندىق جانە شەتەلدىك جەتەكشى كارديولوگتار ءسوز الدى.
«جاڭا فورماتتاعى كونگرەسكە قاتىسۋ ءبىز ءۇشىن ۇلكەن مارتەبە. قاتىسۋشىلار پايدالى بىلىممەن الماسىپ قانا قويماي, سونىمەن قاتار قازىرگى شىندىق جاعدايىندا ارىپتەستەرىمەن كاسىبي جانە دوستىق بايلانىستارىن نىعايقانىنا سەنىمدىمىز. كارديولوگيا – ءبىزدىڭ كومپانيانىڭ بەلسەندى دامىپ كەلە جاتقان ستراتەگيالىق باعىتتاردىڭ ءبىرى. بىزدەر جۇرەككە بايلانىستى اۋرۋلاردى ەمدەۋگە ارنالعان ءتيىمدى ءدارى-دارمەكتەردى ءوندىرۋشىنىڭ بەدەلىن باعالايمىز. ءبىزدىڭ كومپانيانىڭ قورجىنىندا يمپورتتىق, سونداي-اق قازاقستاندا وندىرىلەتىن 13-تەن استام كارديوپرەپاراتتار بار. ءبىز وسى كونگرەستىڭ سەرىكتەسى بولعانىمىزدى ماقتان تۇتامىز», – دەدى SANTO كومپانياسى ءدارى قاعازبەن بوساتىلاتىن پرەپاراتتار بولشەك ساۋداسى جونىندەگى ءبولىم ديرەكتورى اننا فارلەنكوۆا.
الماتى
