كەزدەسۋدە نۇرسۇلتان نازارباەۆ كۇردەلى ەپيدەميالىق احۋال, الەمدىك ەكونوميكالىق داعدارىس پەن ايماقتىق سىن-قاتەرلەر جاعدايىندا ۇلتتىق قاۋىپسىزدىك جۇيەسىنىڭ قىزمەتىن ۇيلەستىرۋدى كۇشەيتۋ قاجەتتىگىن اتاپ ءوتتى.
ءا.يسەكەشەۆ ەلباسىنا قاۋىپسىزدىك كەڭەسى اپپاراتىنىڭ ۇلتتىق قاۋىپسىزدىكتىڭ, ونىڭ ىشىندە ەكونوميكالىق, اقپاراتتىق جانە اسكەري قاۋىپسىزدىكتىڭ نەگىزگى باعىتتارى بويىنشا جۇرگىزىپ جاتقان جۇمىستارى تۋرالى اقپارات بەردى.
سونداي-اق قاۋىپسىزدىك كەڭەسىنىڭ حاتشىسى قۇقىق قورعاۋ جۇيەسىن ودان ءارى دامىتۋ جانە ەلدەگى قىلمىس دەڭگەيىن تومەندەتۋ باعىتىندا قابىلدانىپ جاتقان شارالار تۋرالى باياندادى.
سونىمەن بىرگە ءا.يسەكەشەۆ شانحاي ىنتىماقتاستىق ۇيىمى, ۇجىمدىق قاۋىپسىزدىك شارت ۇيىمى جانە تاۋەلسىز مەملەكەتتەر دوستاستىعىنا مۇشە ەلدەردىڭ قاۋىپسىزدىك كەڭەستەرى حاتشىلارىنىڭ كەزدەسۋلەرىنىڭ ناتيجەلەرى تۋرالى ايتىپ بەردى. اتالعان ءىس-شارالار اياسىندا وڭىرلىك قاۋىپسىزدىكتىڭ وزەكتى ماسەلەلەرى, تەرروريزمگە, ەسىرتكىنىڭ زاڭسىز اينالىمىنا, كيبەرقاۋىپسىزدىك سالاسىنداعى قاتەرلەرگە قارسى كۇرەستى كۇشەيتۋ شارالارى تالقىلاندى.
كەزدەسۋ قورىتىندىسى بويىنشا قاۋىپسىزدىك كەڭەسىنىڭ توراعاسى ۇلتتىق قاۋىپسىزدىكتى قامتاماسىز ەتۋدىڭ نەگىزگى ماسەلەلەرى بويىنشا بىرقاتار تاپسىرما بەردى.
