قۇجاتتاردىڭ قاتارىندا ساياسي پارتيانىڭ جوعارعى ورگانىنىڭ پارتيالىق ءتىزىمدى ۇسىنۋ تۋرالى حاتتاماسىنان ءۇزىندى كوشىرمە; پارتيا وكىلىنىڭ وكىلەتتىكتەرىن راستايتىن قۇجات; پارتيالىق ءتىزىم; ازاماتتاردىڭ پارتيالىق تىزىمگە ەنگىزۋگە كەلىسىمى تۋرالى ءوتىنىشى; تىزىمگە ەنگىزىلگەن ءاربىر كانديداتتىڭ ومىرباياندىق دەرەكتەرى; پارتيالىق تىزىمگە ەنگىزىلگەن ءاربىر كانديداتتىڭ جەكە كۋالىكتەرىنىڭ كوشىرمەلەرى; ۋاكىلەتتى ادام قول قويعان جانە ساياسي پارتيانىڭ مورىمەن راستالعان ساياسي پارتياعا مۇشەلىگىن راستايتىن قۇجاتتار; ساياسي پارتيانىڭ قازاقستان رەسپۋبليكاسى ادىلەت مينيسترلىگىندە تىركەلگەنى تۋرالى قۇجاتتىڭ كوشىرمەسى; پارتيانىڭ قازاقستان رەسپۋبليكاسى ورتالىق سايلاۋ كوميسسياسىنىڭ شوتىنا سايلاۋ جارناسىن ەنگىزگەنىن راستايتىن قۇجات; كانديدات پەن ونىڭ زايىبىنىڭ (جۇبايىنىڭ) كىرىستەرى مەن مۇلكى تۋرالى دەكلاراتسيالار تاپسىرعانى تۋرالى مەملەكەتتىك كىرىس ورگانىنىڭ انىقتاماسى بار.
ورتالىق سايلاۋ كوميسسياسى پارتيالىق تىزىمدەرگە ەنگىزىلگەن قازاقستان پارلامەنتى ءماجىلىسىنىڭ دەپۋتاتتىعىنا كانديداتتاردىڭ كونستيتۋتسيادا جانە «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭىندا قويىلاتىن تالاپتارعا سايكەستىگىن ءتيىستى ورگاندارعا سۇراۋ سالۋ نەگىزىندە انىقتايدى.
پارلامەنت ءماجىلىسىنىڭ دەپۋتاتتارىن سايلاۋ جونىندەگى كۇنتىزبەلىك جوسپارعا سايكەس پارتيالىق تىزىمدەردى ۇسىنۋدى ساياسي پارتيالار اعىمداعى جىلعى 10-30 قاراشا ارالىعىندا (ساعات 18.00-گە دەيىن) جۇزەگە اسىرادى. پارتيالىق تىزىمدەردى تىركەۋ اعىمداعى جىلعى 10 قاراشادا باستالىپ, 10 جەلتوقساندا ساعات 18.00-دە اياقتالادى.
