اعىمداعى جىلدىڭ مامىر ايىندا قازاقستان كاسىپكەرلەرىنىڭ قۇقىقتارىن قورعاۋ جونىندەگى ۋاكىل رۋستام جۇرسىنوۆكە الماتى قالاسىنداعى ءىرى كومپانيالاردىڭ ءبىرى "Global Chemicals Company" جشس جۇگىندى.
جشس مەملەكەتتىك كىرىستەر دەپارتامەنتىنىڭ ءىس-ارەكەتىنە قاتىستى شاعىم ءتۇسىردى, ال مەملەكەتتىك كىرىستەر دەپارتامەنتىنىڭ پىكىرىنشە, كومپانيانىڭ كونتراگەنتتەرمەن ناقتى ەكونوميكالىق قارىم-قاتىناسى بولماعاندىقتان, سالىقتى زاڭسىز قوسىمشا ەسەپتەۋ ورىن العان.
بۇل ماسەلە بويىنشا الماتى قالاسىندا سالىق قىزمەتكەرلەرىنىڭ زاڭسىز ارەكەتتەرى تۋرالى سوت اكتىسى شىعارىلدى, الايدا سالىق ورگانى سوت اكتىسىنە قاتىستى جوعارعى سوتقا شاعىم ءتۇسىردى.
جشس-ءنىڭ زاڭدى قۇقىقتارىن قورعاۋ بارىسىندا بيزنەس-ومبۋدسمەن جوعارعى سوت توراعاسىنا كاسىپكەردى جەكە قابىلداۋ تۋرالى وتىنىشپەن جۇگىندى, سونداي-اق جوعارعى سوتتىڭ سوت القاسىنا مەملەكەتتىك كىرىستەر ورگاندارىنىڭ كاسساتسيالىق شاعىمىن قاناعاتتاندىرماۋ تۋرالى وتىنىشحاتقا قوسىمشا جىبەردى.
جوعارعى سوتتا قاراۋ قورىتىندىسى بويىنشا جالپى سوماسى 244 ملن تەڭگەگە جۋىق سالىقتى قوسىمشا ەسەپتەۋ زاڭسىز دەپ تانىلدى.
