2020 جىلعى قاڭتار-قازان ارالىعىندا رەسپۋبليكالىق بيۋدجەتتەن مۇگەدەكتىككە بايلانىستى مەملەكەتتىك الەۋمەتتىك جاردەماقى تولەۋگە 242 ملرد تەڭگە, اسىراۋشىسىنان ايىرىلۋ جاعدايى بويىنشا جاردەماقى تولەۋگە 61 ملرد تەڭگە ءبولىندى.
2020 جىلعى قازان ايىندا رەسپۋبليكالىق بيۋدجەتتەن مۇگەدەكتىككە بايلانىستى مەملەكەتتىك الەۋمەتتىك جاردەماقى تولەۋگە 23,6 ملرد تەڭگە, اسىراۋشىسىنان ايرىلۋ جاعدايى بويىنشا جاردەماقى تولەۋگە 6,2 ملرد تەڭگە باعىتتالدى.
2020 جىلعى 1 قاراشاداعى جاعداي بويىنشا مۇگەدەكتىككە بايلانىستى مەملەكەتتىك الەۋمەتتىك جاردەماقى الۋشىلاردىڭ سانى 518,8 مىڭ ادامدى, اسىراۋشىسىنان ايىرىلۋ جاعدايى بويىنشا جاردەماقى الۋشىلار سانى 145,7 مىڭ ادامدى قۇرايدى.
مۇگەدەكتىك جانە اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلار مولشەرى مۇگەدەكتىكتىڭ توبى مەن سەبەبىنە, قايتىس بولعان (قازا تاپقان) اسىراۋشىنىڭ اسىراۋىندا بولعان ادامداردىڭ سانىنا, سونداي-اق ءتيىستى قارجى جىلىنا ارنالعان «رەسپۋبليكالىق بيۋدجەت تۋرالى» زاڭدا بەلگىلەنگەن ەڭ تومەنگى كۇنكورىس دەڭگەيىنە بايلانىستى بولادى.
2020 جىلعى 1 قاراشاعا مۇگەدەكتىگى بويىنشا مەملەكەتتىك الەۋمەتتىك جاردەماقىنىڭ ورتاشا مولشەرى – 45 507 تەڭگەنى, اسىراۋشىسىنان ايرىلۋ جاعدايى بويىنشا مەملەكەتتىك الەۋمەتتىك جاردەماقىنىڭ ورتاشا مولشەرى – 42 614 تەڭگەنى قۇرادى.
