"اكىم ساعاتى" باعدارلاماسى ارقىلى قالا اكىمىنە تىكەلەي ساۋال جولداۋعا بولاتىنى تۋرالى كورەرمەندەرگە الدىن الا حابارلانعان بولاتىن. ارنايى Call ورتالىق قۇرىلىپ, ارنانىڭ رەسمي سايتى مەن الەۋمەتتىك جەلىلەردە پاراقشالار ارقىلى سۇراقتار قابىلداندى. اكىم ساعاتى حابارىنا بيىل ەكىنشى رەت قاتىسقان قالا اكىمى مۇرات دۇيسەنبەك ۇلى الدىمەن شاھارداعى ساقتىق شارالارى بويىنشا اتقارىلىپ جاتقان جۇمىستارعا توقتالىپ ءوتتى.
"كوروناۆيرۋس ينفەكتسياسىنىڭ ىقتيمالدى تولقىنىنا ءۇش ستسەناري بويىنشا دايىندالدىق. ا – قازىرگى جاعداي, 1 220 توسەك-ورىن ازىرلەنگەن. ۆ – ماۋسىمدىق ەپيدەميولوگيالىق احۋال ناشارلاسا, توسەك-ورىن سانىن 4 016-كە دەيىن ارتتىرامىز. جاعداي كۇردەلىلەنەتىن بولسا س ستسەناري بويىنشا 5 416 توسەك-ورىن دايىندالادى. قازىرگى تاڭدا, شىمكەنت قالاسى اتالعان ءۇش ستسەناريگە دايىن", دەدى قالا اكىمى.
تۇرعىندار تاراپىنان جولدانعان سۇراقتاردىڭ باسىم بولىگى دەنساۋلىق, شالعاي ەلدى مەكەندەردەگى ينفراقۇرىلىم, ترانسپورت جانە قۇرىلىس سالاسىنا قاتىستى بولدى.
سونىمەن قاتار, قالا اكىمى الەۋمەتتىك جەلى مەن Call ورتالىققا كەلىپ تۇسكەن سۇراقتارعا رەتىمەن جاۋاپ بەردى.
