جىل باسىنان بەرى 50 جاڭا سايلاۋ ۋچاسكەسى قۇرىلدى. بۇل تۋرالى بريفينگتە نۇر-سۇلتان قالالىق سايلاۋ كوميسسياسىنىڭ توراعاسى باقىت بەكتەمىسوۆ مالىمدەدى.
"مەن سايلاۋ پروتسەسىنىڭ ماڭىزدى كەزەڭىنە توقتالعىم كەلەدى. ول – داۋىس بەرۋ قۇقىعىن بەرەتىن كۋالىكتەر. سايلاۋشى ءوزىنىڭ داۋىس بەرەتىن جەرىن اۋىستىرعان كەزدە جانە جەكە باسىن كۋالاندىراتىن قۇجاتتى كورسەتكەن كەزدە سايلاۋ كوميسسياسى ونىڭ وكىلىنە سەنىمحات بويىنشا داۋىس بەرۋ قۇقىعىن بەرەتىن ەسەپتەن شىعارۋ كۋالىگىن بەرەدى. ءماسليحات دەپۋتاتىن سايلاۋ بويىنشا باسقا سايلاۋ وكرۋگىندە نە ءبىر ەلدى مەكەن شەگىندەگى باسقا سايلاۋ ۋچاسكەسىندە داۋىس بەرۋگە قاتىسقىسى كەلەتىندەرگە ەسەپتەن شىعارۋ كۋالىگى بەرىلمەيدى. جوعالعان ەسەپتەن شىعارۋ كۋالىگى قالپىنا كەلتىرىلمەيدى جانە كوشىرمە نۇسقاسى بەرىلمەيدى. ەسەپتەن شىعارۋ كۋالىكتەرىن بەرۋ سايلاۋ كۇنىنىڭ الدىندا جەرگىلىكتى ۋاقىت بويىنشا ساعات 18.00-دە توقتاتىلادى", دەدى باقىت بەكتەمىسوۆا بريفينگ بارىسىندا.
ەستەرىڭىزگە سالا كەتەيىك, قازاقستان رەسپۋبليكاسى پرەزيدەنتىنىڭ 2020 جىلعى 21 قازانداعى جارلىعىنا سايكەس, قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارىن سايلاۋ بويىنشا سايلاۋ ناۋقانى باستالدى.
قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارىن سايلاۋمەن ءبىر مەزگىلدە ءماسليحاتتار دەپۋتاتتارىنىڭ سايلاۋىن وتكىزۋ جونىندە شەكتەۋلەر جوق. وسىعان بايلانىستى قازاقستان رەسپۋبليكاسى ورتالىق سايلاۋ كوميسسياسىنىڭ 2020 جىلعى 21 قازانداعى قاۋلىسىمەن قازاقستان رەسپۋبليكاسى ءماسليحاتى دەپۋتاتتارىنىڭ كەزەكتى سايلاۋى 2021 جىلعى 10 قاڭتارعا بەلگىلەندى.
وسك وكىلدەرىنىڭ ايتۋىنشا, بىرلەسكەن ناۋقان – بۇل بيۋدجەتتى ۇنەمدەۋ مەن پاندەميا جاعدايىندا نەگىزدەلگەن الەۋمەتتىك بايلانىستاردىڭ تومەندەۋى.
