ايماقتار • 17 قاراشا، 2020

قىزىلوردادا كوكتايعاقتىڭ سالدارىنان 43 جول اپاتى تىركەلدى

54 رەت كورسەتىلدى

قىزىلوردا وبلىسىندا جولداعى كوكتايعاق سالدارىنان سوڭعى ەكى كۇندە 43 جول-كولىك وقيعاسى تىركەلگەن، دەپ حابارلايدى Egemen.kz

جول اپاتىنان 3 ادام قازا تاۋىپ، 10-ى دەنە جاراقاتىن العان. سوندىقتان پوليتسەيلەر جولدا اباي بولۋعا شاقىردى. 

"اۆتوكولىك جولدارىنىڭ كوكتايعاق اۋماقتارى بويىنشا پوليتسەيلەر "قازاۆتوجول" مەكەمەسى قىزمەتكەرلەرىمەن بىرگە جەدەل تەكسەرىلۋدە. سول ارقىلى كولىك قۇرالدارىنىڭ قاۋىپسىزدىك قوزعالىسى قامتاماسىز ەتىلۋدە. رەسپۋبليكالىق ماڭىزى بار جولدارداعى قاۋىپتى ايماقتارعا پاترۋلدىك پوليتسيا بەكەتتەرى قويىلدى. جول بويىندا ارنايى 9 اۆتوكولىك جۇمىلدىرىلىپ، ارنايى ماتەريالدار سەبۋ جۇمىستارى جۇرگىزىلدى. تۇرعىنداردان ساقتىق شارالارىنا نازار اۋدارۋدى سۇرايمىز"، دەيدى قىزىلوردا وبلىستىق پوليتسيا دەپارتامەنتى باستىعىنىڭ ءبىرىنشى ورىنباسارى شامشيدين ءاميتوۆ. سونداي-اق، "قىزىلوردا-جالاعاش" جولىندا ەكى كولىك سوعىلىپ، ءبىر جولاۋشى كوز جۇمدى. 

سوڭعى جاڭالىقتار

دوللار قايتا قىمباتتادى

ەكونوميكا • بۇگىن، 11:55

ۇقساس جاڭالىقتار