ن.نازارباەۆ داڭعىلىنداعى جەرۇستى وتكەلىنە ىندەتپەن ارپالىسىپ جۇرگەن بىرقاتار مەديتسينا قىزمەتكەرلەرىنىڭ فوتوسۋرەتتەرى ءىلىنىپ, ەسىمدەرى جازىلدى. ولاردىڭ ىشىندە دارىگەرلەر, مەدبيكەلەر, جەدەل جاردەم جۇرگىزۋشىلەرى, فەلدشەرلەر بار.
"قالا تۇرعىندارى مەن قوناقتارى كورونوۆيرۋس ينفەكتسياسىمەن كۇرەسىپ جۇرگەن دارىگەرلەردى تانىسىن دەگەن ويمەن جەرۇستى وتكەلىندە فوتوكورمە ۇيىمداستىردىق. ارينە مۋزەيدە وتكىزۋگە بولار ەدى. بىراق, ەلدەگى جاعدايعا بايلانىستى ول مۇمكىن ەمەس. ءبىر جاعىنا جەر ءۇستى وتكەلىمەن ءارى-بەرى جۇرەتىن حالىق كوپ", دەيدى ايبوتا شاڭجىڭ.
دارىگەرلەرگە قۇرمەت كورسەتىپ, ەسىمدەرىن تانىتۋ ماقساتىنداعى كورمەگە قازاقستان ۆولونتەرلار ليگاسىنىڭ وسكەمەن قالاسىنداعى فيليالى مەن جاستار رەسۋرستىق ورتالىعىنىڭ بەلسەندىلەرى مۇرىندىق بولدى.
