قالا اكىمى م.ايتەنوۆ, توتەنشە جاعدايلار دەپارتامەنتى باستىعىنىڭ ورىنباسارلارى, ازاماتتىق قورعاۋ پولكوۆنيگى م.جاقسىباەۆ, پولكوۆنيك ج.كارىمباەۆ ارنايى تەحنيكانىڭ دايىندىعىن تەكسەردى. سونداي-اق, ءىس-شاراعا جول-پاترۋلدىك پوليتسياسىنىڭ قىزمەتكەرلەرى دە قاتىستى.
ءىس-شارانىڭ ماقساتى – قىس مەزگىلىنە ينەرتتى ماتەريالدار قورىمەن قامتاماسىز ەتۋ جانە توتەنشە جاعدايلاردا اۆاريالىق-قۇتقارۋ جۇمىستارىنا جول-پايدالانۋ تەحنيكانىڭ دايىندىعىن تەكسەرۋ, ارنايى تەحنيكانىڭ جۇمىسقا جارامدىلىعىن جانە تەحنيكالىق جاعدايىن انىقتاۋ.
كوممۋنالدىق-تەحنيكالىق قامتاماسىز ەتۋ قىزمەتىنىڭ قۇرامىنداعى 5 ۇيىم – "لتد تۇرمىس"," "يۋگدورسەرۆيس", "بايتەرەك لب", "نۇرتاس سەرۆيس" جانە "جاسىل جەر" مەكەمەلەرى قاجەتتى تەحنيكالارمەن جابدىقتالدى. اتالعان بەس مەكەمە قالادا ۇزىندىعى 1012,16 شاقىرىم 299 كوشەدە قىزمەت كورسەتەدى.
قىسقى ماۋسىمعا ينەرتتى ماتەريالداردان, 5000 توننا تۇز, 17217 م3 قۇم دايىندالعان. جەكە قۇرامىندا 670 ادام جانە 182 تەحنيكا دايىندالدى. سونداي-اق, شىمكەنت قالاسى توتەنشە جاعدايلار دەپارتامەنتىنەن 28 تەحنيكا قاجەتتى قۇرالدارمەن جابدىقتالدى. قىسقى ماۋسىمعا دايىندالعان تەحنيكانىڭ جالپى سانى – 210 بىرلىك (جوعارى ءوتىمدى تەحنيكا, شنەكوروتور, اۆتوساموسۆال, اۆتوگرەيدەر, بۋلدوزەر, پوگرۋزچيك ت.ب.).
تەحنيكالاردىڭ قىسقى ماۋسىمعا دايىندىعىن تەكسەرۋ بارىسىندا قىس مەزگىلىندە قاۋىپتى مەتەورولوگيالىق قۇبىلىستاردىڭ پايدا بولۋىنا بايلانىستى توتەنشە جاعدايلاردىڭ الدىن الۋ جانە جويۋ ماسەلەلەرى پىسىقتالدى.
قىسقا دايىندىق بارىسىندا انىقتالعان بارلىق كەمشىلىكتەر قالالىق توتەنشە جاعدايلار كوميسسياسىنىڭ وتىرىسىندا قارالادى.
