پوليتسيا باسشىسىنىڭ ايتۋىنشا, قالا بويىنشا قىلمىستىق احۋال تولىق باقىلاۋدا جانە تۇراقتى.
"جىل باسىنان بەرى قىلمىس سانى 47,5% ازايدى. اتاپ ايتقاندا, قاراقشىلىق شابۋىل – 2,0 ەسەگە, زورلاۋ – 2,1, توناۋ – 2,2, بوتەننىڭ مۇلكىن ۇرلاۋ – 2,4, پاتەر ۇرلىعى – 3,0, كولىك ۇرلىعى 2,6 ەسەگە ازايدى", دەدى قانات تايمەردەنوۆ.
سونداي-اق كولىك ىشىنەن ۇرلاۋ فاكتىسى-37,5 ەسەگە, كولىك اينالاردىڭ ۇرلانۋى-2,5, بۇزاقىلىق-2,1 جانە الاياقتىق-22,5 ەسەگە تومەندەگەن. سونىمەن قاتار, ول قىلمىستىق قۇقىق بۇزۋشىلىق بويىنشا جالپى قىلمىستاردىڭ اشىلۋ كورسەتكىشى بارلىق باعىتتار بويىنشا 11,6% جانە بارلىق باپتار بويىنشا جاقسارعانىن جەتكىزدى.
"بيىل قارۋلى قاراقشىلىق شابۋىل – 6,6%, بوتەننىڭ مۇلكىن ۇرلاۋ –6,9%, پاتەر توناۋ – 12,6%, توناۋ – 19,9%, وزگەنىڭ كولىك قۇرالدارىن ۇرلىق نيەتىنسىز يەمدەنۋ – 5,6%, بۇزاقىلىق – 13,6%-عا جانە الاياقتىق قىلمىسىنىڭ اشىلۋى 6,7%-عا ارتتى", دەدى ول.
