"وڭىردە سانيتاريالىق-ەپيدەميالىق جاعدايدىڭ ناشارلاۋى بايقالادى. كۇن سايىنعى مونيتورينگ ناتيجەلەرى بويىنشا سوڭعى اپتا ىشىندە كۆي جۇقتىرۋدىڭ جاڭا جاعدايلارىنىڭ سانى 18-دەن 60-قا دەيىن ءوستى. وكىنىشكە قاراي, 26 وقۋشى ىندەت جۇقتىرىپ الدى. بالالار كوروناۆيرۋستىق ينفەكتسيانىڭ سيمپتوسىز تاسىمالداۋشىسى بولۋى جانە ءوز جاقىندارىنا جۇقتىرۋى مۇمكىن ەكەنىن ۇمىتپاۋىمىز كەرەك", دەدى باسقارما باسشىسى.
ەلىمىزدىڭ باس مەملەكەتتىك سانيتارلىق دارىگەرىنىڭ 2020 جىلعى 2 قاراشاداعى № 62 قاۋلىسىنا سايكەس, 2-توقساندا 300 وقۋشىعا دەيىن كونتينگەنتى بار مەكتەپتەردە, سانى 15 ادامعا دەيىنگى سىنىپتاردا ءداستۇرلى فورماتتا وقىتۋعا رۇقسات بەرىلدى. دەگەنمەن قوستاناي وبلىسى جاڭا وقىتۋ فورماتىنا كوشە المايدى.
"بۇعان نەگىزگى سەبەپ بالالار مەن مەكتەپ مۇعالىمدەرىنىڭ دەنساۋلىعى بولىپ وتىر. ءبىزدىڭ وبلىسىمىزدا سىرقاتتانۋشىلىق بويىنشا جاعداي كۇننەن-كۇنگە كۇردەلەنە تۇسۋدە. وبلىستىق جەدەل شتابىنىڭ اعىمداعى جىلعى 10 قاراشاداعى وتىرىسىندا بالالاردى ءى توقسانعا ۇقساس وقىتۋ تۋرالى شەشىم قابىلداندى", دەدى ز.بايمەنوۆا.
ز.بايمەنوۆانىڭ ايتۋىنشا, ەكىنشى توقساندا 336 مەكتەپ قاتاڭ سانيتاريالىق شارالاردى ساقتاي وتىرىپ, شتاتتىق رەجىمدە ءوز جۇمىسىن باستايدى. 64 مىڭنان اسا وقۋشى نەمەسە ءبىلىم بەرۋ پلاتفورمالارىن (Online Mektep, EduPage) پايدالانا وتىرىپ, قاشىقتىق فورماتتا وقۋدى جالعاستىرادى.
ءسوز سوڭىندا باسقارما باسشىسى: "اعىمداعى جىلى سانيتاريالىق-ەپيدەميالىق تالاپتاردى ساقتاۋ ءۇشىن وبلىس مەكتەپتەرىنە تاۋارلار ساتىپ الۋعا 343,6 ملن تەڭگە بولىنگەن. قازىرگى ۋاقىتتا سانيتارلىق-گيگيەنالىق قۇرالداردىڭ جەتكىزىلۋى جۇزەگە اسىرىلۋدا. مەكتەپتەر ەكىنشى توقساندا سانيتايزەرلەرمەن, اياق كيىمگە ارنالعان زارازسىزداندىرۋشى كىلەمشەلەرمەن, جاناۋسىز تەرمومەترلەرمەن, اۋانى قايتا اينالدىرۋ قۇرالدارمەن, كۆارتس شامدارىمەن, انتيسەپتيكتەرمەن, دەوحلورمەن تولىقتاي قامتاماسىز ەتىلەدى", دەپ ايتىپ ءوتتى.
