تۇركىستان وبلىسىنىڭ جولاۋشىلار كولىگى جانە اۆتوموبيل جولدارى باسقارماسىنىڭ تاپسىرىسىمەن "كورپوراتسيا بەرەكە ا" جشس مەردىگەر مەكەمەسى 2020 جىلدىڭ مامىر-قىركۇيەك ايلارى ارالىعىندا اتالعان جۇمىستاردى اتقاردى. جوندەۋ جۇمىستارى كەزىندە, اپاتتى جاعدايداعى كوپىر تولىعىمەن قايتا قۇراستىرىلدى.
سونداي-اق كوپىردى كوتەرىپ تۇراتىن ەسكى تىرەكتەردىڭ ورنىنا بۇرعىلاپ قۇيۋ ادىسىمەن تەرەڭدىگى 10 مەتردى قۇرايتىن, ديامەترى 1,5 مەترلىك 12 دانا تەمىربەتوندى قادالار قۇيىلعان. جوباعا سايكەس, ۇزىندىعى 87 مەتر, ال ەنى 12 مەترلىك كوپىر قۇرىلىسى ءجۇردى. بۇدان وزگە, كوپىردىڭ ەكى جاعىنان اياقجول قاراستىرىلىپ, كوپىردىڭ استىنا گابيوندار ورنالاستىرىلدى. قازىرگى تاڭدا كوپىر تولىعىمەن اياقتالىپ, پايدالانۋعا بەرىلدى.
سونىمەن قاتار اعىمداعى جىلى ورداباسى اۋدانىنداعى وبلىستىق ماڭىزى بار "وزبەكستان رەسپۋبليكاسى شەكاراسى-شاردارا-ارىس-تەمىرلان-م-32" اۆتوموبيل جولى بويىنداعى "بادام" وزەنىندەگى كوپىرگە كۇردەلى جوندەۋ جۇمىستارى جۇرگىزىلدى.
جوباعا سايكەس, كوپىردىڭ ۇزىندىعى – 96,2 مەتر, ەنى – 10 مەتردى قۇرايدى. 2020 جىلدىڭ قازان ايىندا كوپىر قۇرىلىسى تولىعىمەن اياقتالىپ, پايدالانۋعا بەرىلدى. ايتا كەتەرلىگى, جوندەۋ جۇمىستارىنىڭ ساپاسى تاپسىرىس بەرۋشى, تەحنيكالىق قاداعالاۋشى جانە "ۇلتتىق جول اكتيۆتەرى ساپاسى ورتالىعى" مەكەمەسىنىڭ تۇركىستان وبلىسى فيليالىنىڭ ماماندارى تاراپىنان تۇراقتى باقىلاۋدا بولدى.
