قوعام • 03 قاراشا، 2020

مەملەكەتتىك كىرىستەر كوميتەتى جەلىدەگى ۆيدەوعا تۇسىنىكتەمە بەردى

504 رەت كورسەتىلدى

ەلىمىزدىڭ مەملەكەتتىك كىرىستەر كوميتەتى "18 جاستان اسقان ءاربىر ازامات تولەمدى الۋعا قۇقىلى" دەپ اتالاتىن ۆيدەوعا قاتىستى پىكىر ءبىلدىردى، دەپ حابارلايدى Egemen.kz

"قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتى مۇنداي تولەمدەر تۋرالى اقپاراتتى رەسمي تۇردە جوققا شىعاردى. الەۋمەتتىك جەلىلەردە جانە بەينە پورتالداردا "18 جاستان اسقان ءاربىر ازامات تولەمدى الۋعا قۇقىلى" دەپ اتالاتىن بەينەفيلم تارالۋدا. اتاپ ايتقاندا، بەينەدە بىرنەشە جىل ىشىندە تولەنگەن ققس سومالارىن قالاي قالپىنا كەلتىرۋ تۋرالى ايتىلادى. الاياقتار ازاماتتاردى اقشانى قايتارۋ ءۇشىن جالعان ۆەب-سايتقا باعىتتايدى. ياعني كورەرمەندەر تولەنبەگەن قاراجاتتى قايتارۋ بويىنشا بىرىڭعاي وتەماقى ورتالىعى ۆەب سايتىنا كىرۋى كەرەك. جالعان قايتارۋ تۋرالى نۇسقاۋلىق كەزىندە اۆتور كورەرمەننەن ءوزىنىڭ دەرەكتەرىن، بانكتىك كارتانىڭ ءنومىرىن، سونداي-اق ءسىزدىڭ قاراجاتىڭىزعا يەلىك ەتە الاتىن CVV / CVC كودىن كورسەتۋىن سۇرايدى. بەينەجازبادا نەمەسە جالعان سايتتىڭ وزىندە وڭ پىكىرلەر بولۋى مۇمكىن، بۇل جازبالار دا شىندىققا جاناسپايدى"، دەلىنگەن حابارلامادا.

سوڭعى جاڭالىقتار

الماتىدا قىلمىس ازايدى

ايماقتار • كەشە

ۇقساس جاڭالىقتار