كاسىپكەر رەتىندە قالىپتاسۋ ءۇشىن بيزنەستى جۇرگىزۋ تاجىريبەسىنە قاجەتتى ەرەكشە ويلاۋ قابىلەتى قاجەت. نۇر-سۇلتانداعى "كاسىپكەر انا" الەۋمەتتىك جوباسى حالىقتىڭ الەۋمەتتىك وسال توپتارى قاتارىنداعى ايەلدەرگە ۇيدە جۇمىس ىستەۋدى باستاۋ جانە ءوز ءىسىن دامىتۋ ءۇشىن ءتۇرلى ماماندىقتار بويىنشا شەبەرلىك پەن داعدىلاردى مەڭگەرۋگە كومەكتەسەدى.
ء"بىز ايەلدەرگە كاسىپكەرلىك ويلاۋدى دامىتۋدى ۇيرەتەمىز. ءبىزدىڭ يدەيامىز-الدىمەن ولارعا بەلگىلى ءبىر ماماندىقتىڭ قىر-سىرىن ۇيرەتەمىز, سونىڭ ارقاسىندا ولار بولاشاقتا كاسىپكەر بولا الادى. بىراق جەكە كاسىپكەر بولۋ ءۇشىن الدىمەن ادام ءوزىن ءوزى جۇمىسپەن قامتىپ, ءوز ەڭبەگىنىڭ ارقاسىندا العاشقى اقشاسىن تابۋدى ۇيرەنۋ كەرەك", دەپ اتاپ ءوتتى "كاسىپكەر انا" جوباسىنىڭ نەگىزىن قالاۋشى اينۇر ءامىرحان.
بۇگىندە ەلوردا تۇرعىندارى IT-باعدارلاۋ, الەۋمەتتىك جەلىلەردى ىلگەرىلەتۋ, فوتو جانە بەينوگرافيا, اسپازدىق, قولونەر, گرافيكالىق ديزاينەر, كوپيرايتەر, SMM مامانى, كوۋچ-پسيحولوگ, تىگىنشى, ماسساجيست, مونتەسسوري ادىستەمەسى بويىنشا كۇتۋشى جانە ت.ب. باعىتتار بويىنشا كاسىپكەرلىكتىڭ قىر-سىرىن مەڭگەرۋدە. بارلىعى 20-عا جۋىق باعىت بار. سونىمەن قاتار ۇيىمداستىرۋشىلار ەڭبەك نارىعىنداعى وزەكتى كاسىپتەردى قاداعالاپ, ولاردى باعدارلامالار تىزىمىنە قوسادى.
"مەن 2019 جىلى تاتۋيروۆكا جاساۋدى ۇيرەندىم. قازىر جۇمىس ىستەيمىن, اقشا تابامىن جانە ادامداردى وقىتامىن. سونداي-اق, 555 مىڭ تەڭگە كولەمىندە گرانت الدىم", دەيدى جوباعا قاتىسۋشىلاردىڭ ءبىرى گۇلنار ەسەنوۆا.
"مەن ءبىر جىل بۇرىن جالعىز باستى انا ساناتىندا وقىدىم, مۇندا جاقسى بازا الدىم. كەيىننەن ءوز بىلىكتىلىگىمدى ارتتىردىم جانە قازىر وسى ورتالىقتا ساباق بەرەمىن. بۇل پايدا تاباتىن ماماندىقتى الۋعا جانە بولاشاقتا ەشكىمگە تاۋەلدى بولماي, جۇمىس ىستەۋگە جاقسى مۇمكىندىك", دەيدى مانيكيۋر شەبەرى البينا دوسىموۆا.
جوبادا جاڭا ماماندىق ۇيرەتۋدەن باسقا, قاتىسۋشىلاردى وزدەرىن مامان رەتىندە باعالاۋعا ۇيرەتەدى. ولارمەن پسيحولوگتار دا جۇمىس ىستەيدى.
ء"بىز جۇمىس ىستەيتىن ساناتتارداعى ايەلدەرگە پسيحولوگيالىق قولداۋ قاجەت ەكەنىن تۇسىنەمىز. سوندىقتان بىزدە تۇراقتى نەگىزدە كوۋچ-سەسسيالار, ترەنينگتەر وتكىزەتىن پسيحولوگتار بار. ياعني بۇل ماماندار, بىرىنشىدەن, ولاردى ءارى قاراي كاسىپكەرلىك قىزمەتكە پسيحولوگيالىق تۇرعىدان دايىنداۋعا كومەكتەسەدى. ەكىنشىدەن, ايەلدەردى ءوز ىسىمەن اينالىسۋ ءۇشىن قىزىقتىرۋ. سەبەبى كليەنتتەر ءبىرىنشى كەزەكتە ادامدارعا بارادى", دەدى اينۇر ءامىرحان.
كۋرستاردان وتكەننەن كەيىن قاتىسۋشىلار سەرتيفيكاتتار الادى جانە ءوز ءىسىن باستاي الادى.
ۇيىمداستىرۋشىلار سونىمەن قاتار "كاسىپكەر انا" ايەلدەر قاۋىمداستىعىن قۇرۋدى جوسپارلاپ وتىر, ونىڭ اياسىندا قاتىسۋشىلار تاجىريبە الماسىپ, ءبىر-ءبىرىن جاڭا ناتيجەلەرگە ىنتالاندىرادى.
جوبادا وقۋعا @Kasipkerana_bot Telegram-بوتى ارقىلى وتىنىمدەردى بەرۋگە بولادى. باعدارلامانىڭ بارلىق جاڭالىقتارىن @kasipker_ana ينستاگرام اككاۋنتىنان دا قاداعالاۋعا بولادى.
ەستەرىڭىزگە سالا كەتەيىك, "كاسىپكەر انا" الەۋمەتتىك جوباسىنىڭ تانىستىرىلىمى بىلتىر قىركۇيەك ايىندا وتكەن بولاتىن. ونىڭ مىندەتى – كوپبالالى ايەلدەرگە, جالعىز باستى انالارعا, از قامتىلعان وتباسىلارعا, سونداي-اق مۇمكىندىگى شەكتەۋلى بالالاردى تاربيەلەپ وتىرعان انالارعا ءوز ءىسىن باستاۋعا كومەكتەسۋ.
