باعدارلامالار • 03 قاراشا، 2020

مەكتەپ اسحانالارىنا قولما-قول اقشاسىز تولەم جۇيەسى ۇسىنىلدى

132 رەت كورسەتىلدى

ەلوردالىق كاسىپكەرلەر بيزنەستىڭ جول كارتاسى بويىنشا گرانت العان جوبالاردى جۇزەگە اسىرا باستادى، دەپ حابارلايدى Egemen.kz ەلوردا اكىمدىگىنىڭ ءباسپاسوز قىزمەتىنە سىلتەمە جاساپ.

Diction Studio گران جەتەكشىسى دىنمۇحامەد تولەشوۆ "بيزنەستىڭ جول كارتاسىنا" بولىنگەن گرانتتىق قاراجات بويىنشا شەشەندىك ونەردى جانە اكتەرلىك شەبەرلىكتى ۇيرەتۋگە ارنالعان ءبىلىم بەرۋ اقپاراتتىق پلاتفورماسىن ىسكە قوسۋدى جوسپارلانۋدا.

"پاندەميا باستالعان كەزدە ءبىزدىڭ مەكتەپ وففلاين رەجيمىندە جۇمىس ىستەي المادى. وقۋشىلارىمىزعا ساباق بەرۋ ءۇشىن جول ىزدەدىك. "بيزنەستىڭ جول كارتاسى" بىزگە تەلەفون ارقىلى ارنايى سايتقا كىرىپ، بارلىق داعدىلاردى يگەرۋ ءۇشىن ستۋدەنتتەرگە ارنالعان پلاتفورما قۇرۋدى باستاۋعا مۇمكىندىك بەردى"، دەدى دىنمۇحامەد تولەشوۆ.

قازىرگى ۋاقىتتا قۇرىلتايشىلار ەرەسەكتەرگە دە، بالالارعا دا ارنالعان پلاتفورما ءۇشىن بىرەگەي مازمۇندى ازىرلەۋمەن اينالىسادى. سونىمەن قاتار، جوبانى ىلگەرىلەتۋ ءۇشىن ماركەتينگ جوسپارى جاسالۋدا.

"قازعىلىم" عىلىمي ورتالىعىنىڭ جەتەكشىسى الماس جاڭۇزاقوۆ قىزى ءبىرىنشى سىنىپقا بارعاندا مەكتەپ اسحانالارىندا وقۋشىلارعا قولما-قول تولەمسىز ەسەپ ايىرىسۋ جۇيەسىن قۇرۋدى ويلاعان.

"قىزىم ءبىرىنشى سىنىپتا وقىپ جۇرگەندە، اقشا ەسەپتەۋدى بىلمەيتىندىكتەن، اسحانادا تولەم جاساۋ وتە ىڭعايسىز بولدى"، دەيدى الماس جانۇزاقوۆ جوبا يدەياسى قالاي پايدا بولعانى تۋرالى.

BalaPay جۇيەسى قازىردىڭ وزىندە 50 مەكتەپتە جۇمىس ىستەيدى. قازىرگى كەزدە ونىڭ قولدانۋشى بازاسى 100 مىڭ ادامدى قۇرايدى. ولاردىڭ بەستەن ءبىرى ءونىمدى ۇنەمى قولدانادى. جۇيە ءبىر كارتامەن قوعامدىق كولىككە اقى تولەۋگە، مەكتەپتەگى تۋرنيكەتتىك جۇيەدەن وتۋگە جانە مەكتەپ اسحاناسىندا تاماقتانۋعا تولەۋگە مۇمكىندىك بەرەدى. الايدا، بۇل ءونىم اتا-انالار مەن بالالار ءۇشىن تەگىن قول جەتىمدى. كومپانيانىڭ مەكتەپ اسحانالارىمەن كوممەرتسيالىق بايلانىسى بار.

"اتا-انالار بالانىڭ مەكتەپتەن كىرۋى مەن شىعۋىن باقىلاي الادى، ونىمدەرگە، مولشەرگە شەكتەۋلەر قويا الادى جانە بالانستى قاداعالاپ، تولىقتىرا الادى. ياعني، جۇيە اقشا اينالىمىن تولىعىمەن الىپ تاستايدى. بالاعا مەكتەپتە تاماقتانۋ ءۇشىن قولما-قول اقشا بەرۋدىڭ قاجەتى جوق"، دەپ ءتۇسىندىردى عىلىمي ورتالىق جەتەكشىسى.

ەستەرىڭىزگە سالا كەتەيىك، نۇر-سۇلتاندا وتكەن "بيزنەستىڭ جول كارتاسى-2025" بايقاۋىنىڭ قورىتىندىسى بويىنشا 57 گرانت يەگەرى انىقتالدى.

قازاقستاندا "بيزنەستىڭ جول كارتاسى" باعدارلاماسى 2010 جىلدان بەرى جۇمىس ىستەيدى. جەرگىلىكتى اتقارۋشى ورگاندار بيزنەسكە گرانتتارمەن جانە ينفراقۇرىلىمدىق كومەكپەن قولداۋ كورسەتەدى. گرانت كونكۋرستارىنا كاسىپكەرلەر دە، ءوز ءىسىن اشقىسى كەلەتىن قازاقستاندىقتار دا، ونىڭ ىشىندە ايەلدەر، مۇمكىندىگى شەكتەۋلى ادامدار جانە 50 جاستان اسقان ادامدار دا قاتىسا الادى.

سوڭعى جاڭالىقتار

دوللار باعاسى تاعى قىمباتتادى

ەكونوميكا • بۇگىن، 10:32

چەمپيوندى تابا الماي جاتىر

سپورت • بۇگىن، 07:59

«ورداباسى» جەڭىسكە جەتتى

سپورت • بۇگىن، 07:58

بۋبليك – ءۇشىنشى كەزەڭدە

سپورت • بۇگىن، 07:57

IQanat قاناتتاندىرعاندار

ايماقتار • بۇگىن، 07:55

اۋىلداعى داۋىل

ايماقتار • بۇگىن، 07:47

ەت وتكىزەتىن نارىق كەرەك

ەكونوميكا • بۇگىن، 07:40

ەڭ باستىسى – ەڭبەك قاۋىپسىزدىگى

ەكونوميكا • بۇگىن، 07:37

بوزكىلەمدە – بۇرىمدىلار

سپورت • بۇگىن، 07:33

بەرگەن سەرتكە بەرىكتىك

قازاقستان • بۇگىن، 07:30

پيك پەن ميب-ءتىڭ «شايقاسى»

قازاقستان • كەشە

ۇقساس جاڭالىقتار