"قازاقستان ءاليۋمينيى" اق قۇرامىنا كىرەتىن جەو-3-تە دەلەگاتسياعا قالانى ەلەكترمەن جانە جىلۋمەن جابدىقتاۋ تۋرالى ايتىپ بەرىلدى. بۇگىندە 50 جىلدان استام تاريحى بار كاسىپورىن ءوز قىزمەتكەرلەرىنە بارىنشا قولايلى جاعداي جاساۋعا تىرىسۋدا. بۇل ءوز كەزەگىندە جاس كادرلاردى قىزىقتىرۋعا جانە تارتۋعا مۇمكىندىك بەرەدى.
"پاۆلودارەنەرگو" اق بولىمشەسى سانالاتىن جەو-3-تە نۇرلان نوعاەۆ پەن ابىلقايىر سقاقوۆقا نەگىزگى جابدىقتاردى جاڭارتۋ تۋرالى باياندالدى. "نەفتەحيم LTD" جشس بازاسىندا ەنەرگەتيكا ءمينيسترى جانە پاۆلودار وبلىسىنىڭ اكىمى مەتيل-ترەت-بۋتيل ەفير جانە پوليپروپيلەن ءوندىرۋ تسەحتارىندا بولدى. بيىل زاۋىت پوليپروپيلەن شىعارۋ كولەمىن 40 مىڭ تونناعا دەيىن جەتكىزۋدى جوسپارلاپ وتىر. بىلتىر جانە وتكەن جىلداعى بۇل كورسەتكىش شامامەن 33 مىڭ توننانى قۇراعان. كەلەسى ساپار پاۆلودار مۇناي-حيميا زاۋىتى بولدى. زاۋىت اۆتوموبيل بەنزينى, تس-1 ماركالى رەاكتيۆتى قوزعالتقىشتارعا ارنالعان وتىن, ديزەل وتىنى, قازاندىق وتىنى (مازۋت), مۇناي كوكسى, جول بيتۋمى جانە تاعى باسقا وندىرىسەەن اينالىسادى.
ساپار بارىسىندا نۇرلان نوعاەۆ جۋرناليستەردىڭ سۇراقتارىنا جاۋاپ بەرە وتىرىپ, ەنەرگەتيكا مينيسترلىگىنىڭ جوسپارلارى تۋرالى ايتىپ بەردى.
ء"بىز قىسقى جانە اركتيكالىق وتىندى قوسپاعاندا, ديزەل وتىنىن يمپورتتاۋعا تىيىم سالۋدى كەلەسى جىلدىڭ ساۋىرىنە دەيىن ۇزارتۋدى جوسپارلاپ وتىرمىز. بۇل ماسەلە بويىنشا تۇپكىلىكتى شەشىم ءالى قابىلدانبادى. بىراق ىشكى نارىقتى ديزەل وتىنىمەن تولتىرۋ ءۇشىن العىشارتتار بار ەكەنىن اتاپ وتكىم كەلەدى. جالپى العاندا, ەلىمىز بەن ۇكىمەت باسشىلىعىنىڭ ارقاسىندا پاندەميا كەزىندە مەملەكەتتىك ورگاندار قويمالاردىڭ تولىپ كەتۋىنە جول بەرمەۋ ءۇشىن شارالار قابىلداعانىن اتاپ وتكىم كەلەدى. وسىعان بايلانىستى, ءبىز زاۋىتتارىمىزدىڭ توقتاپ قالۋىنا جول بەرمەدىك جانە ىشكى جانار-جاعارماي نارىعىندا تەڭگەرىمدى ساقتاپ قالدىق", دەدى نۇرلان نوعاەۆ.
