سىبايلاس جەمقورلىققا قارسى قىزمەتتىڭ باسشىسى قورعانىس جانە مەملەكەتتىك كىرىستەر ىستەرى جونىندەگى وڭىرلىك ورگاندارعا بارىپ, ەسەپكە الۋ-شاقىرۋ جۇمىسىمەن, سونداي-اق سالىق, كەدەن جانە بيۋدجەتكە تولەنەتىن باسقا دا مىندەتتى تولەمدەر تۇسىمدەرىنىڭ تولىقتىعى مەن ۋاقتىلىلىعىن قامتاماسىز ەتۋ جونىندەگى قىزمەتپەن تانىستى.
ا. شپەكباەۆ ارميا – پاراساتتىلىقتىڭ, ءتارتىپ پەن تازالىقتىڭ ۇلگىسى بولۋى ءتيىس ەكەنىن اتاپ ءوتتى.
"اسكەري بولىمدەردە الدىن الۋ شارالارىن كۇشەيتۋ قاجەت. بۇل تۇرعىدا تۇرمىستىق جەمقورلىقتىڭ الدىن الۋ ماقساتىندا مەملەكەتتىك قىزمەتتەردى اۆتوماتتاندىرۋ جانە تسيفرلاندىرۋ ماسەلەلەرىنە ەرەكشە نازار اۋدارۋ قاجەت", - دەدى ول.
بۇدان ءارى اگەنتتىك توراعاسى Covid-19 ەمدەۋگە ارنالعان 200 توسەكتىك مودۋلدىك جۇقپالى اۋرۋلار گوسپيتالىنىڭ تۇساۋكەسەرىنە قاتىستى.
سونىمەن قاتار, انتيكور باسشىسى 2018 جىلى ونىڭ باستاماسىمەن اشىلعان پاۆلودار قالاسى اكىمدىگىنىڭ "Open Pavlodar" سەرۆيس ورتالىعىندا زاماناۋي ستاندارتتار بويىنشا مەملەكەتتىك قىزمەت كورسەتۋ جۇمىسىمەن تانىستى.
ەستەرىڭىزگە سالا كەتەيىك, 2017 جىلى پاۆلودار وبلىسىنا ساپارى بارىسىندا اليك شپەكباەۆ اكىمدىكتەر نەگىزىندە اشىق سەرۆيستىك ورتالىقتار قۇرۋدى ۇسىنعان بولاتىن.
بيىل جىل باسىنان بەرى "Open Pavlodar" فرونت-كەڭسەسىنە 90 مىڭنان استام ادام جۇگىندى, ونىڭ ىشىندە 54 741-ءى مەملەكەتتىك قىزمەت الىپ, 35 432 ادام كەڭەس, قارجى ينستيتۋتتارى مەن مەملەكەتتىك ەمەس مەكەمەلەردىڭ قىزمەتتەرىن الدى.
"ازاماتتاردىڭ قاجەتتىلىكتەرىنە باعدارلانۋ – سىبايلاس جەمقورلىققا قارسى ساياساتتىڭ ماڭىزدى ەلەمەنتتەرىنىڭ ءبىرى. بۇل تۇرعىدا مەملەكەتتىك اپپاراتتى پاراساتتىلىق, اشىقتىق جانە ەسەپتىلىك قاعيادالارى ارقىلى ترانسفورماتسيالاۋ ماڭىزدى ءرول اتقارادى", - دەپ اتاپ ءوتتى اگەنتتىك توراعاسى.
سونداي-اق ا. شپەكباەۆ س. تورايعىروۆ اتىنداعى پاۆلودار مەملەكەتتىك ۋنيۆەرسيتەتىندە "IT HUB" جوباسى اياسىنداعى يننوۆاتسيالىق IT ونىمدەر مەن ستارتاپتار ازىرلەمەلەرىمەن تانىستى.
ورتالىقتىڭ نەگىزگى مىندەتتەرى – ءتۇرلى كوزدەردەن اقپارات جيناۋ, جيناقتالعان اقپاراتتى ستاتيستيكالىق جانە تالدامالىق وڭدەۋ, سونداي-اق ۋنيۆەرسيتەت بيزنەس-ۇدەرىستەرىنىڭ ناتيجەلەرىنە مونيتورينگ جۇرگىزۋ.
سونىمەن قاتار, اگەنتتىك باسشىسى "پاۆلودار قالاسىنىڭ №2 وقۋ-وندىرىستىك كومبيناتى" مم جانە №39 مەكتەپتىڭ قىزمەتىمەن تانىستى.
اتالعان مەكتەپتەگى كەزدەسۋ بارىسىندا باستاماشىل توپ سىبايلاس جەمقورلىققا قارسى قىزمەت جۇيەسىنىڭ اتقارعان يگى قىزمەتى ءۇشىن, ونىڭ ىشىندە شاعىن اۋداننىڭ كوكەيكەستى ماسەلەسىن شەشۋگە, اتاپ ايتقاندا, جەكە تۇلعاعا تۇرعىن ءۇي سالۋعا زاڭسىز بەرىلگەن ستاديون تەلىمىن مەملەكەتتىك مەنشىككە قايتارۋعا كومەك كورسەتكەنى ءۇشىن ءوڭىر تۇرعىندارى اتىنان اگەنتتىك توراعاسىنا زور العىسىن ءبىلدىردى.
ال "ينۆەستورلار ۇيىندە" ءوڭىر قوناقتارىنا "جۇمىسپەن قامتۋدىڭ جول كارتاسى" جانە تسيفرلاندىرۋ اياسىنداعى جوبالار تانىستىرىلدى.
تانىستىرىلىم بارىسىندا وبلىس اكىمىنىڭ ورىنباسارى س. شاياحمەتوۆ وتكەن 9 ايدا ءوڭىردىڭ نەگىزگى كاپيتالعا سالعان ينۆەستيتسيا كولەمى 328 ملرد تەڭگەنى قۇراعانىن ايتتى. 489,5 ملرد. تەڭگەگە 32 يندۋستريالىق جوبا ىسكە اسىرىلۋدا. وسى جوبالاردى ىسكە اسىرۋ قورىتىندىسى بويىنشا شامامەن 2900 جاڭا تۇراقتى جۇمىس ورنى قۇرىلادى.
"بيزنەستى قورعاۋ – بۇل جۇمىس ورىندارى, سالىقتار جانە حالىقتىڭ ءال-اۋقاتى. ەڭ باستىسى, كەدەرگى كەلتىرمەۋ", - دەدى ا.شپەكباەۆ.
ايتا كەتۋ كەرەك, "Protecting Business and Investments" (PBI) بيزنەس پەن ينۆەستيتسيالاردى قورعاۋ بويىنشا انتيكور جوباسى اياسىندا پاۆلودار وبلىسىندا بيزنەس-جوبالاردى سىبايلاس جەمقورلىققا قارسى سۇيەمەلدەۋ بويىنشا 38 كەلىسىم جاسالدى. مۇنداي كەلىسىمدەر سانىنىڭ ءوسۋى وتكەن جىلمەن سالىستىرعاندا 133%-دى قۇرادى. زاڭدى تۇلعالاردىڭ 39 ءوتىنىشى تىركەلدى, ولاردىڭ 95% وڭ شەشىمگە يە بولدى.
اليك شپەكباەۆ بيزنەستى قورعاۋدىڭ ماڭىزدىلىعىن اتاپ ءوتىپ, وبلىس اكىمى ابىلقايىر سقاقوۆقا كاسىپكەرلەردىڭ ماسەلەلەرىن جەدەل شەشكەنى ءۇشىن العىس ايتتى.
