ونلاين رەجيمدە وتكەن كەزدەسۋگە توتەنشە جاعدايلار ءمينيسترى يۋري يلين مەن قاراعاندى وبلىسىنىڭ اكىمى جەڭىس قاسىمبەك قاتىستى.
دەپۋتاتتارعا قاراعاندى وبلىسىنداعى 394 زاۋىتتاعى 36 862 قاۋىپتى وندىرىستە پايدالانىلىپ وتىرعان ونەركاسىپ قاۋىپسىزدىگى مەن تەحنيكالىق قۇرىلعىلاردىڭ جاعدايى ۇدايى قاداعالاۋدا ەكەنى ايتىلدى. توتەنشە جاعدايلار دەپارتامەنتى 2020 جىلدىڭ 8 ايىندا 132 تەكسەرۋ جۇرگىزىپ, وندىرىستىك قاۋىپسىزدىك ەرەجەلەرىن بۇزۋ فاكتىلەرى انىقتالدى.
بيىلعى جىلى ەلىمىزدە 8919 توتەنشە جاعداي بولدى جانە وندا 15 مىڭنان استام ادام زارداپ شەكتى. ساراپشىلاردىڭ پىكىرى بويىنشا 7 797 توتەنشە جاعداي تەحنوگەندىك سيپاتتا – ولار وندىرىستىك اپاتتار, ورتتەر مەن جارىلىستار بولىپ وتىر.
اسقار شاكىروۆ تەحنوگەندىك جانە تابيعي اپاتتارعا قارسى ءىس-قيمىل – بۇل ەلدىڭ تۇراقتى دامۋى مەن ازاماتتاردىڭ قاۋىپسىزدىگىنە باعىتتالعان مەملەكەتتىك ساياساتتىڭ ماڭىزدى ستراتەگيالىق بولىگى ەكەنىن اتاپ ءوتتى.
"توتەنشە جاعدايلاردىڭ الدىن الۋ جانە سالدارىن جويۋ جونىندەگى ءىس-شارالاردى جوسپارلاۋ ءتاسىلىن قايتا قاراۋ قاجەت. ول وسى پروبلەمالارعا ناقتى تالداۋ جاساۋعا, جاعدايدىڭ دامۋىن بولجاۋعا جانە الدا تۇرعان مىندەتتەردى كەشەندى شەشۋگە نەگىزدەلۋى كەرەك", - دەدى سەنات توراعاسىنىڭ ورىنباسارى.
كەزدەسۋ قورىتىندىسى بويىنشا سەناتتىڭ حالىقارالىق قاتىناستار, قورعانىس جانە قاۋىپسىزدىك كوميتەتىنىڭ توراعاسى مۇحتار قۇل-مۇحاممەد مەملەكەت باسشىسى قاسىم-جومارت توقاەۆ ءوز جولداۋىندا بارلىق ازاماتتاردىڭ ءوزىن-ءوزى دامىتۋعا ۇمتىلۋ قاجەتتىگىن اتاپ وتكەنىن ەسكە سالدى, ويتكەنى ۋاقىت تالابى ءبىزدى ۇنەمى دامۋعا, جەتىلدىرۋگە ءارى كۇشەيە تۇسۋگە ىقپال ەتەدى.
