"2019 جىلدىڭ 23 جەلتوقسانىندا نوتاريۋس "ك" جشس-نان "م" دەگەن ازاماتقا 1 805 097 937 تەڭگە مولشەرىندە جالاقى وندىرمەك بولعان. تالداۋلاردىڭ ناتيجەسىندە م دەگەن ازامات وسى جشس تولىق قۇرىلتايشىسى ەكەنى انىقتالدى. ول ايىنا 40 ملن تەڭگە جالاقى الىپ وتىرعان. مەدەۋ اۋداندىق سوتى 2019 جىلدىڭ 16 تامىزىندا ونىڭ جالاقى ءوندىرۋ تۋرالى ارىزىن قاناعاتتاندىرماعان. سوت ۇكىمى مەن مامىلەنىڭ كۇماندىلىگىنە قاراماستان نوتاريۋس جالعان اتقارۋ قولىن قويعان", دەدى پروكۋراتۋرا.
پروكۋراتۋرانىڭ حابارلاۋىنشا, قر "وڭالتۋ جانە بانكروتتىق" تۋرالى زاڭىنا سايكەس جابىلاتىن ۇيىمنىڭ ەڭ الدىمەن كرەديتورلار الدىنداعى بورىشىنان گورى جۇمىسكەرلەردىڭ جالاقىسىنان قۇتىلۋ بورىشى الدىڭعى ورىندا بولادى.
"م دەگەن ازامات باسقا كاسىپكەرلەرگە ءىرى مولشەردە قارىز بولعان. وسىلايشا جالعان جالاقى بورىشىن العا تارتىپ, اقشانى جىلىستاتۋ سحەماسىن قۇرىپ ولاردان قۇتىلىپ كەتپەك بولعان", دەدى پروكۋراتۋرادان.
2020 جىلدىڭ 12 مامىرىنداعى سوت شەشىمىمەن نوتاريۋستىڭ اتقارۋ قولى جارامسىز دەپ تانىلدى. نوتاريۋسقا قاتىستى جەكە انىقتاما شىعارىلدى. ازىرگە بۇل انىقتاما قارالىپ جاتىر.
