ء«بىلىم بەرۋ باعدارلاماسىنىڭ بىرەگەيلىگى – سەمينار تىڭداۋشىلارىنا ۇەۇ-نى تابىستى دامىتۋ بويىنشا وزىق پراكتيكالاردى ۇسىنۋدا. بەلگىلى ساراپشىلار مەن بيزنەس-ترەنەرلەر ۇەۇ قىزمەتىن جوسپارلاۋ جانە تالداۋ, قارجىلاندىرۋ كوزدەرىن تارتۋ, ۇەۇ-نى ىلگەرىلەتۋ تاسىلدەرى, جەكە دامۋ ستراتەگياسىن قۇرۋ تۋرالى جانە باسقا دا بىلىمدەرىمەن بولىسەدى. قاشىقتان وقىتۋ فورماسىنىڭ ارقاسىندا سەمينارلار مەن ۆەبينارلار بارلىعىنا قولجەتىمدى. ءبىزدىڭ باستى مىندەتىمىز – ۇەۇ وكىلدەرىن قاشىقتان جانە ءموبيلدى وقىتۋدى ۇيىمداستىرۋ ءۇشىن قازاقستاندىق پلاتفورما قۇرۋ, سونداي-اق قوعامدىق بىرلەستىكتەردىڭ كاسىبي داعدىلارىن دامىتۋ», دەدى اقپارات جانە قوعامدىق دامۋ مينيسترلىگى ازاماتتىق قوعام ىستەرى كوميتەتىنىڭ توراعاسى ماديار قوجاحمەتوۆ.
بۇگىنگى تاڭدا ۇەۇ اكادەمياسىنا 300-دەن استام تىڭداۋشى جازىلعان جانە ءارتۇرلى ەلدەردىڭ جاتتىقتىرۋشىلارى شاقىرىلدى.
وقىتۋ كۋرستارىن رەسەيدەگى RedMe الەۋمەتتىك باعىتتالعان ماركەتينگتىڭ ءبىرىنشى حالىقارالىق اگەنتتىگىنىڭ باسشىسى ولگا شاراتۋتا, الەۋمەتتىك كاسىپكەرلىك بويىنشا قىرعىزستاننىڭ ساراپشىسى گۇلنارا جۇنىساليەۆا, ستراتەگيالىق جانە كوممۋنيكاتسيالىق مەنەدجمەنت بويىنشا قازاقستاندىق ماماندار: بۇقارالىق كوممۋنيكاتسيا سالاسىنداعى ساراپشى الينا حاماتدينوۆا, ستراتەگيالىق جانە كوممۋنيكاتسيالىق ماركەتينگ بويىنشا كەڭەسشى يلدار ۆاليۋللوۆ جانە باسقالار جۇرگىزەدى.
حالىقارالىق ساراپشىلار قوعامدىق ۇيىمدار وكىلدەرىن قارىم-قاتىناستى ىلگەرىلەتۋ ادىستەرىنە, بيزنەس, ىنتىماقتاستىق پەن ۇەۇ-نى دامىتۋ ەرەكشەلىكتەرىنە, رەسەيلىك كەيستەر, ستراتەگيا, قارجىلىق جوسپارلاۋ جانە جوبالاردى باسقارۋ مىسالىندا ۇەۇ-نى دامىتۋدىڭ ءتيىمدى قۇرالدارىن ۇيرەتەدى.
«بۇل پايدالى جانە مازمۇندى باستاما. مەن ءۇشىن ۇەۇ-نى دامىتۋدىڭ ماركەتينگتىك ادىستەرى جانە رەسەيلىك كورپوراتيۆتىك ەرىكتىلىك اگەنتتىكتەرىنىڭ شەشىمدەرى جاڭالىق بولدى. ۇەۇ-نى دامىتۋ بويىنشا جاڭا جانە ۋاقتىلى اقپارات الدىق, ونى ءبىزدىڭ الداعى قىزمەتىمىزدە مىندەتتى تۇردە قولدانۋعا بولادى», دەپ اتاپ ءوتتى قوستاناي وبلىسى ازاماتتىق اليانسىنىڭ باسشىسى دينارا وتەباەۆا.
