قازاقستان • 29 قازان، 2020

سىبايلاس جەمقورلىققا قارسى قىزمەتىنىڭ باسشىسى پاۆلودار وبلىسىنا باردى

30 رەت كورسەتىلدى

بۇگىن سىبايلاس جەمقورلىقتىڭ العى شارتتارىن جويۋعا باعىتتالعان "حالىق ۇنىنە قۇلاق اساتىن مەملەكەت" تۇجىرىمداماسىن ىسكە اسىرۋ اياسىندا سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى ا. شپەكباەۆ پاۆلودار وبلىسىنا ەكى كۇندىك جۇمىس ساپارىمەن باردى، دەپ حابارلايدى Egemen.kz.

اگەنتتىك توراعاسىنىڭ جۇمىس ساپارى ەكىباستۇز قالاسىنان باستالدى. وندا ول "پاۆلودار وبلىسى بويىنشا ازاماتتارعا ارنالعان ۇكىمەت" مك كەاق فيليالىنىڭ بولىمدەرىنە، قالالىق سەرۆيستىك اكىمدىككە، سونداي-اق مەملەكەتتىك كىرىستەر باسقارماسىنا باردى.

لالۆ

وبلىس اكىمى ءا. سقاقوۆپەن بىرگە قالقامان كەنتىنىڭ "اشىق اكىمدىك" فرونت-كەڭسەسىنە باردى. بۇل مەكەمە الەۋمەتتىك ماسەلەلەر بويىنشا 8 مەملەكەتتىك قىزمەت كورسەتەتىن پاۆلودار وبلىسىنداعى العاشقى اۋىلدىق فرونت-كەڭسە.

ددااھ
تاجىريبە كورسەتىپ وتىرعانداي، بۇل فرونت-
كەڭسەلەر ازاماتتارعا قولايلى جاعدايدا مەملەكەتتىك قىزمەتتەردى جەدەل جانە ساپالى كورسەتۋگە مۇمكىندىك بەرەدى. وسىعان وراي، وبلىستىڭ مىڭنان استام تۇرعىنى بار ەلدى-مەكەندەرىندە وسىنداي ورتالىقتار اشۋ جوسپارلانىپ وتىر.

پپپ

ودان ءارى اگەنتتىك توراعاسى اقسۋ قالاسى اكىمدىگىنىڭ "Open Aksu" جۇمىس بارىسىمەن تانىستى. ايتا كەتۋ كەرەك، اتالعان ورتالىقتا 83 مەملەكەتتىك قىزمەت كورسەتىلەدى، ونىڭ 93،8% ەلەكتروندى تۇردە. بيىلعى جىلدىڭ باسىنان باستاپ اكىمدىككە مەملەكەتتىك قىزمەتتەر بويىنشا كەڭەس الۋعا 3 مىڭنان استام ازامات جۇگىندى.

درو

ا. شپەكباەۆ ەكىباستۇز، اقسۋ قالالارىندا جانە قالقامان كەنتىندە بولىپ، تۇتىنۋشىعا باعدارلانۋ، اشىقتىق جانە اشىقتىق قاعيداتتارىنا نەگىزدەلگەن مەملەكەتتىك مەكەمەلەردى ترانسفورماتسيالاۋ بويىنشا جۇرگىزىلىپ جاتقان جۇمىسقا وڭ باعاسىن بەردى.

"مەن بارلىق جەردە ستاندارتتىڭ بىردەي ەكەنىنە جانە ازاماتتارعا جاعداي جاسالعانىنا كوز جەتكىزدىم. ساپالى مەملەكەتتىك قىزمەتتەر – تۇرمىستىق جەمقورلىقتى جويۋدىڭ كەپىلى. ولاردى الۋ ءۇشىن قولايلى جاعداي جاساۋ – مەملەكەتتىك اپپاراتقا دەگەن سەنىمدى ارتتىرۋ تۇرعىسىنان ءبىرىنشى كەزەكتەگى مىندەت"، دەپ اتاپ ءوتتى سىبايلاس جەمقورلىققا قارسى قىزمەت باسشىسى.

جۇمىس ساپارىنىڭ ەكىنشى كۇنى اگەنتتىك توراعاسى تسيفرلاندىرۋدى بەلسەندى ەنگىزىپ جاتقان بىرقاتار الەۋمەتتىك جانە ءبىلىم بەرۋ ۇيىمدارىنا بارادى.

سونداي-اق، ول وبلىس اكىمى ءا. سقاقوۆپەن بىرگە جۇرتشىلىقپەن كەزدەسۋگە قاتىسىپ، ازاماتتاردى قابىلدايدى.

سوڭعى جاڭالىقتار

اتىراۋ وبلىسىندا بالىق قىرىلدى

ەكولوگيا • بۇگىن، 16:11

بازالىق مولشەرلەمە كوتەرىلە مە؟

ەكونوميكا • بۇگىن، 13:43

2757 ادام كوروناۆيرۋستان جازىلدى

كوروناۆيرۋس • بۇگىن، 09:51

الماتى وبلىسى «سارى» ايماققا ءوتتى

كوروناۆيرۋس • بۇگىن، 09:17

ۇقساس جاڭالىقتار