قازاقستان • 29 قازان، 2020

فرانتسۋز ينۆەستورلارىنا قازاقستاننىڭ ينۆەستيتسيالىق مۇمكىندىكتەرى تانىستىرىلدى

8 رەت كورسەتىلدى

ساۋدا-ەكونوميكالىق جانە ينۆەستيتسيالىق ىنتىماقتاستىقتى دامىتۋ ماسەلەلەرى قازاقستان-فرانتسۋز دوڭگەلەك ۇستەلى مەن ەكى ەلدىڭ ىسكەرلىك كەڭەسىنىڭ وتىرىسى بارىسىندا تالقىلاندى، دەپ حابارلايدى Egemen.kz.

ءىس-شارا بەينەكونفەرەنتسيا بايلانىس رەجيمىندە ءوتتى.

اتالعان ءىس-شاراعا 100-دەن استام بيزنەس-قوعامداستىقتىڭ وكىلدەرءى، ەكى ەلدىڭ مەملەكەتتىك ورگانداردىڭ، كۆازيمەملەكەتتىك ۇيىمدارىنىڭ باسشىلارى قاتىستى.

فورۋم بارىسىندا قاتىسۋشىلار ەكونوميكانى جاڭا جاعدايدا دامىتۋ، قازاقستاندا بيزنەس جۇرگىزۋ جانە ينۆەستيتسيالار بويىنشا كەڭ اۋقىمدى ماسەلەلەردى تالقىلادى. سونىمەن قاتار، سپيكەرلەردىڭ ءسوز سويلەۋى بارىسىندا ەلدىڭ ينۆەستيتسيالىق احۋالى، بيزنەستى مەملەكەتتىك قولداۋ شارالارى جانە قازاقستاندا ينۆەستيتسيالىق جوبالاردى ىسكە اسىرۋ مۇمكىندىكتەرى كەڭىنەن تانىستىرىلدى.

قازاقستان سىرتقى ىستەر ءمينيسترىنىڭ ورىنباسارى الماس ايداروۆ ءوز سوزىندە پرەزيدەنت قاسىم-جومارت توقاەۆ ءوزىنىڭ جولداۋىندا ينۆەستيتسيالىق ساياساتتى ىسكە اسىرۋ بويىنشا قوسىمشا شارالار مەن باسىمدىقتاردى ناقتى بەلگىلەگەنىن اتاپ ءوتتى. اتاپ ايتقاندا، ول جاڭا قۇرالدى - ستراتەگيالىق ينۆەستيتسيالىق كەلىسىمشارتتى ەنگىزۋ تۋرالى جاريالادى.

ء"بىزدىڭ ەلىمىز ينۆەستيتسيالىق احۋالدى جاقسارتۋعا باعىتتالعان رەفورمالاردى جۇيەلى تۇردە جۇرگىزىپ كەلەدى. ۇكىمەتتىڭ كاسىپكەرلەرمەن تىكەلەي جانە اشىق ديالوگى قامتاماسىز ەتىلۋدە جانە جاڭا ينۆەستيتسيالار، نوۋ-حاۋ جانە وزىق تەحنولوگيالار تارتۋ ءۇشىن ينفراقۇرىلىم جەتىلدىرىلۋدە. قازىرگى ۋاقىتتا پرەزيدەنت قاسىم-جومارت توقاەۆتىڭ تاپسىرماسى بويىنشا ستراتەگيالىق ينۆەستيتسيالىق كەلىسىم تۇرىندە ءىرى ينۆەستورلار ءۇشىن قوسىمشا قولداۋ قۇرالىن ەنگىزۋ بويىنشا جۇمىس جۇرگىزىلۋدە. وسى كەلىسىم ينۆەستورلارعا سالىقتىق پرەفەرەنتسيالار، جەڭىلدىكتى قارجىلاندىرۋ، مەملەكەت تاراپىنان كەپىلدىك بەرىلگەن ساتىپ الۋ، سونداي-اق ەكسپورتتىق قولداۋ تۇرىندە مەملەكەتتىك قولداۋ شارالارىنىڭ كەشەندى پاكەتىن ۇسىنادى. زاڭناما تۇراقتىلىعىنىڭ كەپىلدىكتەرى مەن سالالىق پرەفەرەنتسيالاردىڭ بولۋىن اتاپ ءوتۋ ماڭىزدى"، دەدى الماس ايداروۆ.

ءوز كەزەگىندە "KAZAKH INVEST" ۇك" اق توراعاسى باۋىرجان سارتباەۆ بۇگىندە قازاقستان حالىقارالىق بيزنەس ءۇشىن جاڭا مۇمكىندىكتەر ۇسىنىپ وتىرعانىن ايتتى.

"بۇگىنگى قيىن-قىستاۋ كەزەڭدە ينۆەستورلارعا بارلىق قاجەتتى قولداۋ كورسەتۋ ءبىزدىڭ باسىمدىعىمىز بولىپ تابىلادى. ءبىزدىڭ تابيعي ارتىقشىلىقتارىمىز، سونداي-اق قازاقستاندا سوڭعى ونجىلدىقتا قالىپتاسقان مەملەكەتتىك ينستيتۋتتار مەن ينۆەستيتسيالىق كليماتىمىز تۇراقتى ۇزاق مەرزىمدى ناتيجەنى قامتاماسىز ەتىپ، داعدارىستىڭ سالدارىن جۇمسارتادى دەپ نىق سەنەمىز. قازاقستاندا بيزنەس-باستامالار مەن ينۆەستيتسيالىق مۇمكىندىكتەردى تابىستى ىسكە اسىرۋ ءۇشىن جان-جاقتى قولداۋ تابا الاسىز. KAZAKH INVEST تابىسقا جەتۋ جولىندا ءسىزدىڭ سەنىمدى سەرىكتەس بولعانىڭىزعا قۋانىشتى بولادى"، دەدى باۋىرجان سارتباەۆ.

ءىس-شارا بارىسىندا قر سىرتقى ىستەر ءمينيسترىنىڭ ورىنباسارى ا.ا. ايداروۆتىڭ BPifrance فرانتسيانىڭ ەگەمەندى قورى جانە ينۆەستيتسيالىق بانكى، Saint-Gobain قۇرىلىس ماتەريالدارى مەن يننوۆاتسيالىق شەشىمدەرىنىڭ ءىرى ءوندىرۋشىسى جانە Air Liquide ءىرى ونەركاسىپتىك توبىنىڭ باسشىلىعىمەن B2B كەزدەسۋلەرى وتكىزىلدى.

ايتا كەتۋ كەرەك، فرانتسيا قازاقستاننىڭ نەگىزگى ساۋدا-ينۆەستيتسيالىق سەرىكتەستەرىنىڭ تىزىمىنە كىرەدى. 2010 جىلدان باستاپ فرانتسيادان قازاقستانعا تشي كولەمى شامامەن $11 ملرد قۇرادى، بۇگىندە قر-دا مۇناي-گاز سەكتورىندا، ماشينا جاساۋدا، فارماتسەۆتيكادا، كولىك جانە لوگيستيكادا، ەنەرگەتيكادا جانە باسقالارىندا فرانتسۋز كاپيتالىنىڭ قاتىسۋىمەن 166 كاسىپورىن تىركەلگەن. ولاردىڭ قاتارىندا "Total"، "Orano"، "Alstom"، "Air Liquidە"، "Vicat"، "Danone"، "Soufflet" جانە ت. ب. كومپانيالار بار.

فورۋمدى قر سىرتقى ىستەر مينيسترلىگى، قر فرانتسياداعى ەلشىلىگى، "KAZAKH INVEST" ۇك" اق جانە MEDEF فرانتسۋز كاسىپورىندارىنىڭ قوزعالىسى ۇيىمداستىردى.

 

سوڭعى جاڭالىقتار

اتىراۋ وبلىسىندا بالىق قىرىلدى

ەكولوگيا • بۇگىن، 16:11

بازالىق مولشەرلەمە كوتەرىلە مە؟

ەكونوميكا • بۇگىن، 13:43

2757 ادام كوروناۆيرۋستان جازىلدى

كوروناۆيرۋس • بۇگىن، 09:51

الماتى وبلىسى «سارى» ايماققا ءوتتى

كوروناۆيرۋس • بۇگىن، 09:17

ۇقساس جاڭالىقتار