دارىگەر-حيرۋرگ, №1 قالالىق ەمحانانىڭ كونسۋلتاتيۆتى-دياگنوستيكالىق ءبولىمىنىڭ مەڭگەرۋشىسى مىندەتىن اتقارۋشى ەلۆيرا كاجەنوۆا قۇبىلمالى اۋا-رايىندا سىنىقتان ساقتانۋعا بىرنەشە كەڭەس بەردى.
1. تابانى جاتاعان, ىڭعايلى اياق كيىم كيىڭىز.
2. جاياۋ جۇرگىنشى جولى نەمەسە باعدارشامنان ءوتىپ بارا جاتقاندا قۇلاققاپ كيۋگە بولمايدى, ويتكەنى كولىك دابىلى ەستىلمەۋى مۇمكىن. باعدارشام مەن جاياۋ جۇرگىنشى جولىنان ءوتۋ كەزىندە بالالاردى قولىڭىزدا ۇستاڭىز.
3. قوعامدىق كولىكتەن اقىرىن شىعىپ, ۇستاعىشتى نىق ۇستاڭىز. ايالدامادان كەتىپ بارا جاتقان اۆتوبۋس ارتىنان جۇگىرمەڭىز. تايىپ قۇلاۋ ىقتيمالدىعى جوعارى.
4. ەگدە جاستاعى ادامدارعا رەزەڭكە ۇشتى تاياقشانى قولدانۋعا كەڭەس بەرىلەدى.
5. ارقاعا قۇلاپ ءتۇسۋ قاۋىپتى, سەبەبى جەلكەمەن سوعىپ, ميى شايقالۋى مۇمكىن. مۇنداي جاعدايلاردا يەكتى كەۋدەگە دەيىن تارتۋ ۇسىنىلادى.
6. قولدىڭ الاقان بەتىنە ءتۇسۋ ۇسىنىلمايدى, ويتكەنى بۇل بىلەك پەن بىلەك سۇيەكتەرىنىڭ سىنۋىنا اكەلەدى. قولدىڭ سىرت جاق قىرىنا قۇلاپ تۇسۋگە تىرىسقان ءجون.
العاشقى قابىلداۋدا دارىگەردىڭ قاراۋىنان كەيىن دەنەنىڭ جاراقاتتانعان بولىگىنىڭ رەنتگەنوگرافياسى, قاجەت بولعان جاعدايدا باسقا مامانداردىڭ (نەۆروپاتولوگ, نەيروحيرۋرگ, حيرۋرگ) تەكسەرۋى تاعايىندالادى. تەكسەرۋ ناتيجەلەرى مەن اسپاپتىق زەرتتەۋ ادىستەرىنەن كەيىن سىنىقتار انىقتالعان كەزدە گيپس يمموبيليزاتسياسى قولدانىلادى نەمەسە كورسەتكىشتەر بويىنشا حيرۋرگيالىق ەمدەۋگە جىبەرىلەدى.
