ايماقتار • 28 قازان، 2020

تۇركىستان وبلىسىنداعى ەپيدەميالىق جاعداي تۇراقتى

28 رەت كورسەتىلدى

وبلىستاعى مەديتسينالىق ۇيىمداردا كوروناۆيرۋس ينفەكتسياسىنىڭ ەكىنشى تولقىنىنا دايىندىق جۇمىسى ءۇش باعىتتا جۇرگىزىلىپ جاتىر، دەپ حابارلايدى Egemen.kz

وبلىس اكىمى ءباسپاسوز قىزمەتىنىڭ مالىمەتىنشە، ەمدەۋ مەكەمەلەرىن توسەك-ورىنمەن تولىق قامتۋ، ماتەريالدى-تەحنيكالىق بازاسىن نىعايتا وتىرىپ، ءدارى-دارمەك پەن قورعانىس قۇرالدارىمەن قامتاماسىز ەتۋ كۇشەيتىلگەن. بۇل تۋرالى تۇركىستان وبلىسى اكىمىنىڭ ورىنباسارى ارمان ءسابيتوۆتىڭ وبلىستىق قوعامدىق دەنساۋلىق باسقارماسىنىڭ باسشىسى مارات پاشيموۆ پەن وڭىردەگى بارلىق مەديتسينا ۇيىمداردىڭ باس دارىگەرلەرىمەن كەزدەسۋىندە اتاپ كورسەتىلدى.

"قازىرگى تاڭدا وبلىستاعى مەديتسينالىق ۇيىمدار 2 ايلىق ءدارى-دارمەك قورىمەن جانە مەديتسينالىق قۇرال-جابدىقپەن تولىق قامتاماسىز ەتىلگەن. ەمدەۋ مەكەمەسىنىڭ ءبىرىنشى باسشىسى رەتىندە سىزدەر الداعى ۋاقىتتا مەديتسينا قىزمەتكەرلەرىنىڭ كاسىبي بىلىكتىلىگىن ارتتىرۋدى، ارنايى وقىتۋدان وتكىزۋدى بارىنشا قاداعالاۋعا تيىسسىزدەر"، دەدى وبلىس اكىمىنىڭ ورىنباسارى ارمان ءسابيتوۆ.

وبلىستا جالپى 23 429 مەديتسينا قىزمەتكەرى ەڭبەك ەتەدى. ونىڭ 5 مىڭنان استامى – دارىگەر، 18 233-ءى − ورتا بۋىن مەديتسينا قىزمەتكەرى. بيىل 1،5 مىڭ دارىگەر ءتۇرلى باعىتتار بويىنشا رەسەيدە بىلىكتىلىگىن ارتتىرىپ، تاجىريبە الماسقان. جيىن بارىسىندا وبلىس باسشىلىعى شەكارالاس اۋدانداردى باستى باقىلاۋدا ۇستاۋدى جۇكتەدى. الداعى ۋاقىتتا اۋدان اكىمدەرى مەن مەديتسينا مەكەمەلەرىنىڭ باسشىلارىمەن بىرلەسە ونلاين فورماتتا وزەكتى ماسەلەلەردى ورتاعا سالىپ، شەشۋ جولدارىن قاراستىرۋ كوزدەلگەن.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار