سولتۇستىكقازاقستاندىق اۋىل تۇرعىندارى ءۇشىن جىلقىنىڭ ماڭىزى ايتارلىقتاي زور. ول ءارى سوعىم, ءارى ساتسا پۇل بولادى. جازدا قىمىزىن ىشەتىندەر دە سوڭعى جىلدارى كوبەيىپ كەلەدى. ال بيىلعى جامان ىندەتتىڭ كەزىندە قىمىز ادامداردىڭ يممۋنيتەتىن كوتەرەتىن بىردەن-ءبىر سۋسىن رەتىندە تارالدى. ونىڭ ۇستىنە كولىك رەتىندە قولداناتىندار دا اۋىلدا ءالى كۇنگە كوپ. وسىنداي مالىنان ايرىلىپ قالعان اۋىل ادامىنىڭ كۇيزەلىزىن تۇسىنۋگە بولادى.
دابىل كەزەكشى بولىمگە تۇسكەن بويىندا ول پوليتسيا بولىمدەرىنە جەتكىزىلەن. سونىڭ ىشىندە وسى اۋىل ماڭىندا كەزەكشىلىك ەتكەن اكىمشىلىك پوليتسيا ءبولىمىنىڭ قىزمەتكەرى, پوليتسيانىڭ اعا لەيتەنانتى ازامات كوپپەرگەنوۆ پەن اعا كريميناليست, پوليتسيا مايورى ايداربەك حامزينگە دە حابار جەتكەن. ولار وقيعا ورنىنا بارىپ, ءىز كەسۋگە كىرىسەدى.
وسىدان ءبىر-ەكى كۇن بۇرىن نوۆواندرەەۆكا اۋىلىنان شامامەن ءۇش شاقىرىمداي جەردە ورنالاسقان قاتاناي اۋىلىنا قاراي بەتتەپ بارا جاتقان جىلقىلاردى كورگەن كۋاگەر تابىلادى. پوليتسەيلەر اۋىل تۇرعىندارىمەن بىرگە ورمانداردى ارالاۋعا كىرىسەدى. ءبىر ورماننىڭ ىشىندە ايداربەك حامزين الىستا جۇرگەن جىلقىلاردى بايقايدى. ق ۇلىننىڭ ءجىبى شوپكە ورالىپ قالىپ, بيە ودان الىستاي الماي, قاسىندا تۇر ەكەن. بۇلار ناق جوعالعان جىلقىلار بولىپ شىققان. مالى تابىلعان يەسىنىڭ قۋانىشى شەكسىز بولدى. "جىلقىلاردى بار قاراجاتىمدى جۇمساپ, جۋىردا عانا ساتىپ العان ەدىم. پوليتسيا قىزمەتكەرلەردىڭ قايىرىمدىلىعى, ىزدەۋگە جەدەل كىرىسىپ كەتكەندەرى ءۇشىن اۋداندىق پوليتسيا ءبولىمىنىڭ باسشىلىعىنا العىس بىلدىرەمىن", - دەدى ول.
ءسويتىپ ءىزشىل پوليتسيا قىزمەتكەرلەرىنىڭ قاتىسۋىمەن ىزدەۋ جۇمىسى جارتى كۇنگە عانا سوزىلعان. «كۇنكورىس كوزىنە اينالعان ءتورت-ت ۇلىك اۋىل تۇرعىندارى ءۇشىن اسا ماڭىزدى. مالدارىنان ايرىلىپ قالسا ادامدار قاتتى كۇيزەلەدى. سوندىقتان دا ءبىز مۇندايدا قولىمىزدان كەلگەن كومەگىمىزدى جەدەل جاساۋعا تىرىسامىز, - دەدى مامليۋت اۋدانى پب باستىعى, پوليتسيا پودپولكوۆنيگى سەرىك ءالجانوۆ. "قىزمەتكەرلەرىمىزدىڭ تۇرعىندارعا قۋانىش سىيلاعانى ءبىزدىڭ دە ءوز جۇمىسىمىزعا دەگەن ىنتامىزدى ارتتىرا تۇسەدى. مالى جوعالعان ادامنىڭ بەينەكورىنىس ارقىلى العىس ايتقانى ءبىز ءۇشىن ۇلكەن ماراپات بولدى", دەدى ول.
ءبىر جاقسىسى وسى اۋداندا ۇستىمىزدەگى جىلدىڭ توعىز ايىندا بىردە-ءبىر مال ۇرلاۋ فاكتىسى تىركەلمەگەن. وسىنىڭ ءوزى پوليتسيانىڭ ناتيجەلى, جەدەل جۇمىسىنىڭ ايعاعى بولسا كەرەك. الايدا, اۋداندىق پوليتسيا ءبولىمىنىڭ قىزمەتكەرلەرى جوعالىپ كەتكەن جانۋارلاردى ىزدەۋگە 11 رەت قاتىستى.
سولتۇستىك قازاقستان وبلىسى
