بۇگىنگى تاڭدا جۋرناليستەردى اككرەديتتەۋدىڭ قولدانىستاعى ەرەجەلەرى بۇل پروتسەدۋرانىڭ ناقتى جانە جەڭىلدەتىلگەن مەحانيزمىن تولىق قامتاماسىز ەتپەيدى.
ازىرلەنگەن ەرەجە جوباسى مەديا-قوعامداستىقتىڭ ۇسىنىستارىن ەسكەرە وتىرىپ ازىرلەنگەن بىرقاتار تۇجىرىمدامالىق ۇسىنىستار مەن جاڭالىقتاردى قامتيدى:
- باق مەنشىك يەسىنىڭ نەمەسە رەداكتورىنىڭ قالاۋى بويىنشا تۇراقتى اككرەديتتەۋ مەرزىمدەرىن ايقىنداۋ (1 جىلدان كەم ەمەس) (بۇل شارا جۋرناليستەردى اككرەديتتەۋ كەزىندە يكەمدىلىكتى قامتاماسىز ەتۋ جانە بەلگىلى ءبىر باق-قا قاتىستى جاعىمسىز جاعدايلار تۋعىزۋى مۇمكىن جاعدايلاردىڭ تۋىنداۋ مۇمكىندىگىن بولعىزباۋ قاجەتتىلىگىمەن نەگىزدەلگەن);
- ناقتى رەداكتسيالىق تاپسىرمانى ورىنداۋ ۇشىن ۋاقىتشا اككرەديتتەلگەن جۋرناليست اۋىرعان, دەمالىستا, ءىسساپاردا بولعان نە ناقتى ءىس-شارا جاريالانعان جاعدايدا ونى اۋىستىرۋ ءۇشىن قاجەتتى ۋاقىتشا اككرەديتتەۋدى ەنگىزۋ;
- قۇجاتتار پاكەتىن 4-تەن 2-گە دەيىن قىسقارتۋ;
- ءوتىنىشتى قاراۋ جانە ول بويىنشا شەشىم قابىلداۋ مەرزىمىن 7 جۇمىس كۇنىنەن 3 جۇمىس كۇنىنە دەيىن قىسقارتۋ;
- جۋرناليستەردى اككرەديتتەۋ كەزىندە مەملەكەتتىك ورگانداردىڭ, قوعامدىق بىرلەستىكتەر مەن ۇيىمداردىڭ زاڭسىز ارەكەتتەرىنە نەمەسە ارەكەتسىزدىگىنە شاعىم جاساۋ جونىندەگى ەرەجەلەردى كوزدەۋگە قۇقىعى بار.
جاريا تالقىلاۋ جۇرگىزۋ ماقساتىندا جوبا 2020 جىلعى 26 قازاندا "اشىق نقا" ينتەرنەت-پورتالىندا ورنالاستىرىلعان (مىنا سىلتەمە بويىنشا وتۋگە بولادى)
