ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى جانە بايدىبەك اپب-ءنىڭ پوليتسەيلەرى "قاراسورا" جەدەلدەتىلگەن-پروفيلاكتيكالىق ءىس-شاراسى اياسىندا قارقىندى قىزمەت اتقارۋدا.
وسى ءورايدا تارتىپ ساقشىلارى جۇرگىزگەن ءىس-شارا بارىسىندا جەرگىلىكتى تۇرعىننان سىرتتاي تانىسى ءوزىنىڭ ۇيىندە ەسىرتكى زاتىن زاڭسىز ساقتايتىنى جانە پايدالاناتىنى تۋرالى حابارلاعان.
وقيعا ورنىنا ءتارتىپ ساقشىلارىنىڭ جەدەل تەرگەۋ توبى شىعىپ, كۇدىكتى ازاماتتىڭ تۇرعىلىقتى مەكەنجايىنا بارادى. ءتىنتۋ بارىسىندا ۇيىنىڭ اۋلاسىندا ورنالاسقان قوراسىنىڭ ىشىنەن اقشىل-سارى ءتۇستى ەسىرتكىگە ۇقساس زاتتارى تابىلدى. ونىمەن قوسا ءۇي اۋلاسىن تەكسەرۋ ءبارىسىندا ۇش شىنى بوتەلكە ىشىندەگى ەسىرتكىگە ۇقساس كوك ءتۇستى حوش يىستى زاتتار تاركىلەندى.
اتالعان جايت بويىنشا قر قك-ءنىڭ 296-بابى (اسا ىرى مولشەردەگى ەسiرتكi, پسيحوتروپتىق زاتتاردى, سول تەكتەستەردى وتكىزۋ ماقساتىنسىز زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ) بويىنشا قىلمىستىق ءىس قوزعالىپ, سوتقا دەيىنگى تەرگەپ-تەكسەرۋ باستالعان. وقيعا ورنىنان ەسىرتكىگە ۇقساس كوك ءتۇستى ءحوش يىستى زاتتارىنا سوت-ساراپتامالىق زەرتتەۋ تاعايىندالعان.
ساراپتاما قورىتىندىسىنا سايكەس 250 گر "ماريحۋانا" ەكەنى انىقتالدى. قازىرگى تاڭدا تەرگەۋ امالدارى جالعاسۋدا. كۇدىكتىنىڭ باس شاراسى قولحاتتا. تۇركىستان وبلىسىنىڭ ءتارتىپ ساقشىلارى تىيىم سالىنعان وسىمدىكتەردى ءوسىرۋ, زاڭسىز ەسىرتكى ساۋداسىمەن اينالىسۋ, جالپى ەسىرتكىگە قاتىسى بار جايتتار زاڭ الدىندا قاتاڭ جازاعا تارتىلاتىنىن ەسكەرتەدى. كەي ساتتەرى قىلمىس جاساپ, زاڭ بۇزعان ادامنىڭ جازالاناتىنىن بىلە تۇرا زاڭسىزدىققا جول بەرىلىپ جاتادى.
ەسىرتكىنىڭ قوعام دەرتى ەكەندىگىن ەستەن شىعارماي, ونى ءوسىرىپ, قولدانىپ, تاسىمالداعاندارمەن كۇرەسۋدى كۇشەيتۋىمىز قاجەت. سوندىقتان ءسىز, ەسىرتكى بويىنشا قانداي دا بىر اقپاراتتى بىلسەڭىز بىردەن پوليتسيانىڭ "102" نومىرىنە حابارلاسىڭىز. بۇل ءوز كەزەگىندە ەسىرتكىگە بايلانىستى قىلمىستاردىڭ ازايۋى مەن جولىن كەسۋگە سەپتىگىن تيگىزەدى.
