جاتتىقتىرۋشىلاردىڭ ايتۋىنشا, كوبىنەسە قازاقستاندىق مۇعالىمدەر ءبىلىم بەرۋدەگى ينكليۋزيا ۇعىمىن دۇرىس تۇسىنبەيدى. سوندىقتان ونلاين-ترەنينگ وقىتۋشىلاردى تەك پراكتيكالىق داعدىلارعا عانا ەمەس, تەوريالىق داعدىلارعا دا ۇيرەتۋدى ماقسات ەتەدى.
ء"بىز پەداگوگتارعا, بىرىنشىدەن, ينكليۋزيۆتى ءبىلىم بەرۋ تۋرالى جالپى ۇعىمدى قالىپتاستىرۋعا كومەكتەسۋ مىندەتىن قويدىق. ەكىنشىدەن, مەكتەپتەردە دامىتۋ قاجەت تاسىلدەر, جۇيەلەر تۋرالى ۇسىنىمدار بەرۋ. ۇشىنشىدەن, ءبىز سىنىپتاعى ءبىلىم بەرۋدىڭ پراكتيكالىق اسپەكتىسىنە, وقۋ جوسپارىن قۇرۋعا, تەحنولوگيالاردى ەنگىزۋگە جانە ت.ب. كوشەمىز", دەدى نازارباەۆ ۋنيۆەرسيتەتىنىڭ جوعارى ءبىلىم بەرۋ مەكتەبىنىڭ زەرتتەۋ قىزمەتى جونىندەگى ۆيتسە-دەكانى, دوكتور مايكل ماكوەل.
ترەنينگكە قاتىسۋعا بۇكىل قازاقستاننان 8 مىڭ مۇعالىم ءوتىنىم بەردى. الايدا, ونلاين-پلاتفورما ۇسىناتىن ورىندار سانىنىڭ شەكتەۋلى بولۋىنا بايلانىستى وسى باعىتتا 3 مىڭ پەداگوگ وقۋدان وتۋدە.
پەداگوگتاردى ينكليۋزيۆتى ءبىلىم بەرۋ نەگىزدەرىنە وقىتۋ جونىندەگى باستاما اسىرەسە مەملەكەت باسشىسىنىڭ 22 قازانداعى ۇلتتىق قوعامدىق سەنىم كەڭەسىنىڭ وتىرىسىندا ايتىلعان مالىمدەمەسى اياسىندا ەرەكشە وزەكتى.
"مەملەكەت ينكليۋزيۆتى ءبىلىم بەرۋ, كەدەرگىسىز ورتا قۇرۋ, ينفراقۇرىلىمدىق قولجەتىمدىلىكتى قامتاماسىز ەتۋ, وسىنداي تۇلعالاردى جۇمىسقا ورنالاستىرۋ مۇمكىندىكتەرىن كەڭەيتۋ ماسەلەلەرىنە باسا نازار اۋدارا باستادى. الايدا بۇل شارالار قابىلدانعانىنا قاراماستان, ولار ەرەكشە قاجەتتىلىكتەرى بار ادامداردىڭ مۇقتاجدىقتارىن قاناعاتتاندىرۋ ءۇشىن ءالى دە جەتكىلىكسىز", دەدى قازاقستان پرەزيدەنتى قاسىم-جومارت توقاەۆ.
وسىلايشا, جوعارى ءبىلىم بەرۋ مەكتەبىنىڭ جاتتىقتىرۋشىلارىنىڭ پىكىرىنشە, نازارباەۆ ۋنيۆەرسيتەتىنىڭ ونلاين-ترەنينگى – بۇل ءار ادام جىنىسىنا, جاسىنا, مەنتالدىق نەمەسە فيزيكالىق جاعدايىنا قاراماستان, ءوزىن تولىق قۇقىقتى ازامات رەتىندە سەزىنەتىن ەلدەگى ينكليۋزيۆتى قوعامدى دامىتۋ باعىتىنداعى ۇلكەن قادام.
د-ر ماكوەلدىڭ ايتۋىنشا, قارجىلاندىرۋ كولەمى جەتكىلىكتى بولعان جاعدايدا مۇنداي ترەنينگتەردى تۇراقتى نەگىزدە وتكىزۋدى جوسپارلاپ وتىر.
