قوعام • 23 قازان، 2020

ۇلتتىق بانك جۇبان مولداعاليەۆتىڭ 100 جىلدىعىنا ارنالعان مونەتالار شىعارادى

47 رەت كورسەتىلدى

ۇلتتىق بانك نومينالى 100 تەڭگەلىك من 25 مەلحيور قوسپاسىنان "ەستە قالاتىن وقيعالار مەن ءبىرتۋار ادامدار" مونەتالار سەرياسىنان "JUBAN MOLDAǴALIEV.100 JYL" كوللەكتسيالىق مونەتالارىن اينالىسقا شىعارادى، دەپ حابارلايدى Egemen.kz ۇلتتىق بانكتىڭ ءباسپاسوز قىزمەتىنە سىلتەمە جاساپ.

مونەتالاردى شىعارۋ قازاق كسر حالىق جازۋشىسى، "قىران دالا"، "مەن قازاقپىن"، "جىر تۋرالى"، "سەل" جانە باسقا دا شىعارمالاردىڭ اۆتورى، قازاق اقىنى جۇبان مولداعاليەۆتىڭ تۋعانىنا 100 جىل تولۋىنا ورايلاستىرىلعان.

ساتۋ كۇنى تۋرالى اقپارات قازاقستان ۇلتتىق بانكىنىڭ رەسمي سايتىندا قوسىمشا ورنالاستىرىلاتىن بولادى.

"JUBAN MOLDAǴALIEV. 100 JYL" مونەتاسىنىڭ اۆەرسىندە ورتالىق بولىگىندە قازاقستان رەسپۋبليكاسىنىڭ مەملەكەتتىك ەلتاڭباسى بەينەلەنگەن. ەلتاڭبانىڭ سول جانە وڭ جاعىندا ۇلتتىق ويۋ-ورنەكتىڭ ەلەمەنتتەرى ورنالاسقان. مونەتانى اينالدىرا "QAZAQSTAN  ULTTYQ  BANKI • NATIONAL BANK OF KAZAKHSTAN" دەگەن جازۋ بار. تومەنگى بولىگىندە مونەتانىڭ نومينالىن بىلدىرەتىن "100 TEŃGE" دەگەن جازۋ بار.

مونەتانىڭ رەۆەرسىندە جۇبان مولداعاليەۆتىڭ پورترەتتىك بەينەسى ورنالاستىرىلعان. سول جاقتا مەرەيتويلىق داتاسى مەن سوعىلعان جىلىن بىلدىرەتىن "100 JYL"، "2020" دەگەن جازۋلار بار. مونەتانىڭ جوعارعى بولىگىندە "JUBAN MOLDAǴALIEV" دەگەن جازۋ بار.

مونەتالار من 25 مەلحيور قوسپاسىنان دايىندالعان، ماسساسى 15 گرامم، ديامەترى 33 مم، دايىنداۋ ساپاسى "brilliant uncirculated"، نومينالى 100 تەڭگەلىك، تارالىمى - 7 000 دانا.

مونەتالار كادەسىيلىق ورامدا شىعارىلادى جانە كوللەكتسيالىق قۇنى بويىنشا ساتۋعا ارنالعان.

نومينالى 100 تەڭگەلىك كوللەكتسيالىق مونەتالار تولەمدەردىڭ بارلىق  تۇرلەرى بويىنشا قازاقستان رەسپۋبليكاسىنىڭ بۇكىل اۋماعىندا ولاردىڭ بەلگىلەنگەن قۇنىمەن قابىلدانۋعا، سونداي-اق بانك شوتتارىنا ەسەپكە جازىلۋعا جانە اۋدارىلۋعا مىندەتتى، قازاقستان رەسپۋبليكاسىنىڭ بارلىق بانكتەرىندە شەكتەۋسىز ۇساقتالادى جانە ايىرباستالادى.

كوللەكتسيالىق مونەتالار قازاقستان تەڭگە سارايىندا دايىندالعان.

سوڭعى جاڭالىقتار

ىزگىلىكتىڭ العاشقى قادامى

ايماقتار • بۇگىن، 00:11

ءۇش نىساننىڭ ىرگەتاسى قالاندى

ايماقتار • بۇگىن، 00:10

كەنيانىڭ كوز جاسى

ادەبيەت • كەشە

ارىستانمەن ارباسۋ

ونەر • كەشە

ۇقساس جاڭالىقتار