ورتالىق سايلاۋ كوميسسياسىنىڭ حاتشىسى پارلامەنت ءماجىلىسىنىڭ بۇعان دەيىنگى 2016 جىلعى سايلاۋ كامپانيالارىمەن جانە 2019 جىلعى پرەزيدەنت سايلاۋىمەن سالىستىرعاندا الداعى كامپانياداعى شىعىندار كوبەيەتىندىگىن قوسا كەتتى.
ء"بىرىنشى كەزەكتە, جوسپارلانعان شىعىننىڭ كوبەيۋى – سايلاۋ كوميسسياسى مۇشەلەرىنىڭ ەڭبەكاقىسىن تولەۋ شىعىستارىنىڭ ۇلعايۋىنا بايلانىستى جالاقىنىڭ تومەن كورسەتكىشىن كوتەرۋ.
ەكىنشىدەن, حالىق سانىنىڭ تابيعي جولمەن كوبەيۋىنە بايلانىستى قايتا قۇرىلعان 86 سايلاۋ ۋچاسكەسىنىڭ قۇرىلۋىنا شىعىندار كوبەيدى. ونىڭ قۇرامىندا كوميسسيانىڭ 600-دەن اسا مۇشەسى بار.
ۇشىنشىدەن, تاۋارلار, جۇمىستار مەن قىزمەتتەر, سونداي-اق پاندەميا جاعدايىندا سايلاۋ وتكىزۋگە بايلانىستى مىندەتتى شىعىندار باعاسىنىڭ ينفلياتسياسى. كامپانيا ەكى بيۋدجەت جىلى اياسىندا وتەتىنىن اتاپ ءوتۋ كەرەك. سوندىقتان 2021 جىلعى شىعىندار – 4,5 ميلليارد تەڭگە "2021-2023 جىلدارعا ارنالعان رەسپۋبليكالىق بيۋدجەت" تۋرالى زاڭ جوباسىندا كوزدەلگەن جانە بۇل سوما بارلىق دەڭگەيدەگى سايلاۋ كوميسسياسى مۇشەلەرىنىڭ جالاقىسىن تولەۋگە جۇمسالادى.
سوندا جالپى پارلامەنت ءماجىلىسى جانە ءماسليحات دەپۋتاتتارىن بىرىككەن سايلاۋ كامپانياسىنا شامامەن شىعىندار سمەتاسى 15,3 ميلليارد تەڭگە بولادى. بۇل بيۋدجەت قارجىسىن ءتيىمدى پايدالانۋدا ۇتىمدى شەشىم بولىپ وتىر. سەبەبى ەكى بولەك سايلاۋ وتكىزگەندە شىعىن 25 ميلليارد تەڭگە بولاتىن ەدى", دەدى وسك حاتشىسى ءسابيلا مۇستافينا.
ەسكە سالا كەتەيىك, مەملەكەت باسشىسى: "الداعى سايلاۋ كونستيتۋتسيالىق مەرزىمگە سايكەس, 2021 جىلدىڭ 10 قاڭتارىندا وتەدى. بارلىق ساياسي پارتيالاردىڭ بۇل سايلاۋ ناۋقانىنا قاتىسۋعا دايىندالۋىنا, سايلاۋ الدىنداعى پلاتفورماسىن ازىرلەۋىنە, پارتيالىق ينفراقۇرىلىمداردى جەتىلدىرۋىنە ۋاقىتى جەتكىلىكتى بولدى. ورتالىق سايلاۋ كوميسسياسى مەن باس پروكۋراتۋرا سايلاۋدىڭ زاڭدىلىعىن, اشىقتىعىن جانە ادىلدىگىن ساقتاۋ ءۇشىن تۇراقتى باقىلاۋ جۇرگىزىپ وتىرادى", دەپ ايتىپ وتكەن ەدى.
