شاعىم بويىنشا ءمان-جايدى انىقتاۋ بارىسىندا باقتاشى پوليتسەيلەرگە وقيعا بولعان كۇنى سۇر ءتۇستى دجيپ كولىگىن بايقاپ قالعانىن ايتادى. ىزدەستىرۋ شارالارىنىڭ ناتيجەسىندە ءىرى قارانى اتىپ العان قاراسۋ اۋدانىنىڭ ەكى تۇرعىنى تابىلدى. ءىز سۋىتىپ ۇلگەرمەگەن كۇدىكتىلەردى پوليتسەيلەر وكتيابر كەنتىندە ءوز ۇيلەرىندە وتىرعان جەرىنەن ۇستادى.
كۇدىكتىلەردىڭ ايتۋىنشا, ولار سول كۇنى تاڭعى ساعات 10:00-دە "Land Cruiser Prado" اۆتوكولىگىن ءمىنىپ اڭعا شىققان, بىراق قانجىعا مايلانبايدى. سودان قايتار جولدا ساعات 17:00 شاماسىندا اڭشىلار ناۋىرزىم اۋدانىنا قاراستى ءدامدى اۋىلىنىڭ ماڭىندا قاراۋسىز جايىلىپ جۇرگەن 7-8 باس سيىردى كورەدى. ولجاسىز قايتقىسى كەلمەگەن اڭشىلار جاقىن ماڭدا ەشكىم جوق ەكەنىنە كوز جەتكىزىپ, تابىننىڭ ىشىنەن ءبىر سيىردى اتىپ, سول جەردە سويىپ العان.
"مال يەسى پوليتسياعا دەرەۋ حابارلاعان سوڭ, قىلمىستى ءىزىن سۋىتپاي اشۋعا مۇمكىندىك تۋدى. ۇرلانعان ەت يەسىنە قايتارىلدى. قازىر قىلمىستىق كودەكستىڭ "مال ۇرلىعى" بابىبويىنشا تەرگەۋ شارالارى ءجۇرىپ جاتىر", - دەدى ناۋىرزىم اۋداندىق پوليتسيا ءبولىمىنىڭ باستىعى ورال بايمۇرزين.
قوستاناي وبلىسى
ناۋىرزىم اۋدانى
