بۇل - وتاندىق جانە تۇرىك ماماندارىنىڭ بىرلەسكەن جوباسى. ءىت-كومپانيا ديرەكتورى ەرلان جانىبەكوۆتىڭ ايتۋىنشا, بۇل جوبانى ولار جەكە قاراجاتىنا جۇزەگە اسىرعان. جاساندى ينتەللەكتى جۇمىسىنىڭ كومەگىمەن كوروناۆيرۋستىق پنەۆمونيانى جاڭا باستالعان كەزىنەن انىقتاۋعا مۇمكىندىك تۋدى. بۇل ەمدەۋدى جەڭىلدەتىپ, تولىق ساۋىعىپ شىعاتىن ادام سانىن ارتتىرۋعا كومەك ەتەدى.
جالپى كوروناۆيرۋستىڭ بولۋى مۇمكىن ەكىنشى تولقىنىنا دايىندىق شەڭبەرىندە وڭىردە مەديتسينالىق مەكەمەلەردى قۇرال-جابدىقتارمەن قامتاماسىز ەتۋ جۇمىسى بەلسەندى جۇرگىزىلۋدە. قازىرگى كەزدە 9 مەديتسينالىق مەكەمەدە, ياعني پانفيلوۆ, الاكول, كەگەن, قاراساي, جامبىل, تالعار, ىلە, ەڭبەكشىقازاق اۋداندارىندا جانە تالدىقورعانداعى وبلىستىق اۋرۋحانادا كيسلورود ستانساسى ورناتىلىپ, جۇمىس ىستەپ تۇر. تاياۋ كۇندەرى سارقان اۋدانىندا وسىنداي ستانسا ورناتۋ ءىسى اياقتالادى. ءسويتىپ, كيسلورود ستانساسىمەن قامتىلعان اۋرۋحانالار سانى وڭىردە 13-كە جەتەدى.
سول سياقتى وبلىسقا 180 جەدەل جاردەم ماشيناسى, 12 جىلجىمالى مەديتسينالىق كەشەن, 3 تسيفرلى جانە 15 جىلجىمالى رەنتگەن اپپاراتتارى, سونداي-اق 3 كومپيۋتەرلىك توموگرافيا, 150 يۆل اپپاراتتارى جانە باسقا دا قاجەتتى جابدىقتار ساتىپ الىندى.
اتاپ وتسەك, وبلىستا تاۋلىگىنە 4,9 مىڭ زەرتتەۋ جاساي الاتىن 8 زەرتحانا بار دەسەك, وندا بۇگىنگە دەيىن بارلىعى 213 مىڭ پتر زەرتتەۋ جۇرگىزىلگەن.
