ددۇ باس ديرەكتورى تەدروس گەبرەيەسۋس ۇيىمنىڭ قولداۋىمەن ەپيدەميامەن كۇرەستە حالىقارالىق ىنتىماقتاستىقتى نىعايتۋعا باعىتتالعان #WeAreFamily ء(بىز – وتباسىمىز) ناۋقانى باستالعانىن حابارلادى.
"We Are Family" ء("بىز – وتباسىمىز") تانىمال ءانىنىڭ ارنايى نۇسقاسىن بەينەروليكپەن شىعارامىز. وندا اتاقتى ادامدار, دارىگەرلەر, باسشىلار جانە جۇرتشىلىق وكىلدەرى بۇل ءاندى بىرگە ورىندايدى. ناۋقان اياسىندا بۇكىل الەمدەگى ادامدارعا جاقىندارىمەن جانە دوستارىمەن بىرگە بۇل ءاندى شىرقاپ, الەۋمەتتىك جەلىلەرگە بەينەلەر جۇكتەۋ ۇسىنىلادى. جاڭا باستامانىڭ ماقساتى – دەنساۋلىق ساقتاۋ سالاسىنداعى جاھاندىق پروبلەمالاردى شەشۋ ءۇشىن قاراجات جيناۋ, حالىقارالىق ىنتىماقتاستىق ورناتۋ جانە قاۋىپتى ۆيرۋسپەن كۇرەستە اركىمنىڭ جاۋاپكەرشىلىگىن ارتتىرۋ", دەدى ددۇ ديرەكتورى.
بۇعان قوسا, تەدروس گەبرەيەسۋس باسشىسى بۇگىنگى تاڭدا بۇل ءوزارا كومەك بۇرىنعىدان دا قاجەت دەپ سانايدى, ويتكەنى اۋرۋعا شالدىعۋشىلار سانى تەز وسۋدە, ياعني اۋرۋحانا ورىندارىنا, سونىڭ ىشىندە جانساقتاۋ بولىمشەلەرىنە مۇقتاج ادامداردىڭ سانى ارتىپ كەلەدى.
"سولتۇستىك جارتى شاردا قىس ءتۇسىپ جاتقاندا, ءبىز اۋرۋدىڭ كوبەيگەنىن بايقايمىز, اسىرەسە ەۋروپا مەن سولتۇستىك امەريكادا", دەدى تەدروس گەبرەيەسۋس.
ءسوز سوڭىندا ول, پاندەميانىڭ سولتۇستىك جارتى شاردا كۇردەلى كەزەڭگە اياق باسقانىن, اۋرۋ جۇقتىرۋ دەڭگەيى ىندەتتىڭ شارىقتاۋ شەگى بولعان ناۋرىز ايىنداعىدان ءۇش ەسەگە جوعارى ەكەنىن قايتالاپ ايتتى.
