تاعايىنداۋ • 14 قازان، 2020

مەملەكەتتىك كىرىستەر كوميتەتى توراعاسىنىڭ جاڭا ورىنباسارى تاعايىندالدى

17 رەت كورسەتىلدى

قم مەملەكەتتىك كىرىستەر كوميتەتى توراعاسىنىڭ ورىنباسارى قايرات يساتاي ۇلى تاعايىندالدى، دەپ حابارلايدى Egemen.kz

قايرات يساتاي ۇلى مياتوۆ جامبىل قالاسىندا 1971 جىلدا دۇنيەگە كەلدى، ءبىلىمى جوعارى: 1993 جىلى جامبىل گيدرومەليوراتيۆتىك-قۇرىلىس ينستيتۋتىن "ينجەنەر-قۇرىلىسشى" ماماندىعى بويىنشا 1997 جىلى جامبىل گيدرومەليوراتيۆتىك-قۇرىلىس ينستيتۋتىن "ەكونوميست-بۋحگالتەر" ماماندىعى بويىنشا جانە 2006 جىلى قازاق گۋمانيتارلىق-زاڭ ۋنيۆەرسيتەتىن "زاڭتانۋ" ماماندىعى بويىنشا بىتىرگەن.

ەڭبەك جولىن 1993 جىلى جامبىل وبلىسى بويىنشا سالىق ينسپەكتسياسىنىڭ اعا سالىق ينسپەكتورى بولىپ باستادى، وندا 2002 جىلعا دەيىن شاعىن بيزنەس ءبولىمىنىڭ باستىعى، كەلىسپەۋشىلىكتەر جانە كونسۋلتاتسيالار ءبولىمىنىڭ باستىعى لاۋازىمدارىندا قىزمەت اتقاردى.

2002 جىلدان باستاپ قر مەملەكەتتىك كىرىستەر مينيسترلىگىنە مونيتورينگ جانە ترانسفەرتتىك باعا بەلگىلەۋ دەپارتامەنتىنىڭ حالىقارالىق ىسكەرلىك وپەراتسيالار باعالارىنىڭ مونيتورينگى ءبولىمىنىڭ باس مامانى بولىپ جۇمىسقا اۋىستى. 2003 جىلدان 2005 جىلعا دەيىن قر قارجى مينيسترلىگى سالىق كوميتەتىنىڭ سالىقتىق اكىمشىلەندىرۋ باسقارماسىنىڭ باس مامانى بولىپ جۇمىس ىستەدى.

2005 جىلى اقتوبە وبلىسى اقتوبە قالاسى بويىنشا سالىق كوميتەتى توراعاسىنىڭ ورىنباسارى لاۋازىمىنا تاعايىندالدى، وندا 2007 جىلعا دەيىن جۇمىس ىستەدى.

2007 جىلدان 2009 جىلعا دەيىن قر قارجى مينيسترلىگى سالىق كوميتەتىنىڭ سالىقتىق اكىمشىلەندىرۋ باسقارماسى باستىعىنىڭ ورىنباسارى، سودان كەيىن سالىقتىق اۋديت باسقارماسىنىڭ باستىعى.

2009 جىلى استانا قالاسى بويىنشا سالىق دەپارتامەنتىنىڭ الماتى اۋدانى بويىنشا سالىق باسقارماسىنىڭ باستىعى بولىپ تاعايىندالدى، وندا 2011 جىلعا دەيىن جۇمىس ىستەدى.

2012 جىلدان 2013 جىلعا دەيىن قازاقستان رەسپۋبليكاسى قارجى مينيسترلىگىنىڭ دارمەنسىز بورىشكەرلەرمەن جۇمىس كوميتەتى توراعاسىنىڭ ورىنباسارى.

2013 جىلدان 2017 جىلعا دەيىن قازاقستان رەسپۋبليكاسى قارجى مينيسترلىگى مەملەكەتتىك كىرىستەر كوميتەتىنىڭ وڭالتۋ جانە بانكروتتىق باسقارماسىنىڭ، جاناما سالىقتاردى اكىمشىلەندىرۋ باسقارماسىنىڭ، ەكسپورتتىق باقىلاۋ باسقارماسىنىڭ باسشىسى.

2017 جىلدان 2020 جىلعا دەيىن قازاقستان رەسپۋبليكاسى قارجى مينيسترلىگىنىڭ اپەللياتسيا دەپارتامەنتىنىڭ ديرەكتورى.

2020 جىلعى 5 قازاننان باستاپ قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتى توراعاسىنىڭ ورىنباسارى بولىپ تاعايىندالدى.

سوڭعى جاڭالىقتار

قيلى-قيلى تاعدىرلار

تاريح • كەشە

ءبىر شاڭىراقتان – ءۇش مايدانگەر

رۋحانيات • 08 مامىر، 2021

قازاق دەگەنىمىز – باۋىرجان...

رۋحانيات • 08 مامىر، 2021

505-ءشى تۇرمەنىڭ تۇتقىندارى

تاريح • 08 مامىر، 2021

اسكەري ينجەنەرلەر ۇستاحاناسى

وقيعا • 07 مامىر، 2021

ۇقساس جاڭالىقتار