بۇعان دەيىن كاسىپكەرلەر پالاتاسى الماتى قالاسى, المالى اۋدانىنىڭ اكىمدىگىمەن بىرلەسىپ, "Almaly" جۇمىسپەن قامتۋ جانە كاسىپكەرلىكتى قولداۋ ماسەلەلەرى بويىنشا حالىققا قىزمەت كورسەتۋ ورتالىعىن اشقان بولاتىن. اتالعان ورتالىقتا "اتامەكەن" ۇكپ, "Almaty Finance" جشس, Qoldau, "ىسكەر انا" باعدارلاماسىمەن "باقىتتى وتباسى" ورتالىقتارىنىڭ ماماندارى قىزمەت كورسەتەدى.
"مەملەكەت باسشىسى 1 قىركۇيەكتەگى جولداۋىندا مەملەكەتتىك قولداۋدىڭ بارلىق قۇرالدارى بويىنشا نەسيەلەر 6%-دان بەرىلەتىنىن ايتتى. "قاراپايىم زاتتار ەكونوميكاسى", "بيزنەستىڭ جول كارتاسى" مەملەكەتتىك باعدارلامالارى اياسىندا بۇل جۇمىس باستالىپ كەتتى. سونداي-اق, ايماقتىق باعدارلامالار بار. بارلىق وسى باعدارلامالار بويىنشا بۇگىنگى تاڭدا كاسىپكەرلەر ينۆەستيتسيالىق, اينالىم ماقساتتارىنا ورتا ەسەپپەن 5 جىلدان 10 جىلعا دەيىن قارىز الا الادى", دەدى كاسىپكەرلەر پالاتاسىنىڭ ديرەكتورى.
سونداي-اق ول كەپىلزاتى جوق كاسىپكەرلەر – "دامۋ" كاسىپكەرلىكتى دامىتۋ قورى جەلىسى بويىنشا 85%-عا دەيىن كەپىلدەندىرۋ قۇرالدارىن پايدالانا الاتىنىن اتاپ ءوتتى.
"قالادا وڭىرلىك كاسىپكەرلەر پالاتاسى, Qoldaý كاسىپكەرلىك ورتالىعى بار. الماتى – بۇل ەكونوميكانىڭ لوكوموتيۆى, بۇكىل ەل بيزنەسىنىڭ ¼ بولىگى وسىندا شوعىرلانعان", دەپ قورىتىندىلادى ن.ابىلشايىقوۆ.
ورتالىق قىزمەت كورسەتۋگە جانە حالىقتىڭ الەۋمەتتىك جاعىنان از قامتىلعان توپتارىنا باعىتتالعان. مۇندا "باستاۋ بيزنەس" باعدارلاماسى بويىنشا وقۋ سىنىبى دا بار. ورتالىقتا تۇرعىلىقتى جەرىنە قاراماستان كەز كەلگەن ادام قىزمەت الا الادى. "Qoldaý" كاسىپكەرلىك ورتالىعىنىڭ call-ورتالىق ءنومىرى +7 (727) 225-1079.
