شارانىڭ ماقساتى – وسى ساناتتاعى قازاقستاندىقتار ماسەلەسىنە قوعام نازارىن اۋدارۋ, سونداي-اق ولاردىڭ ءومىر ءسۇرۋ ساپاسىن جاقسارتۋ. بارلىق سانيتارلىق نورمالاردى ساقتاي وتىرىپ وتكەن اكتسياعا 50-دەن استام ادام قاتىستى.
– ەرەكشە ادامدارعا ەرەكشە كۇتىم قاجەت. ءبىز ءۇشىن كەز-كەلگەن ناۋقاس قىمبات. مۇمكىندىگى شەكتەۋلى جاندار ءۇشىن ءبىز مامانداردىڭ ۇيدەن تەكسەرۋلەرىن ۇنەمى ۇيىمداستىرامىز, كومەكشى قىزمەتكەرلەر مۇمكىندىگى شەكتەۋلى قارتتاردى مەديتسينالىق مەكەمەلەرگە الىپ بارىپ, ۇيلەرىنە جەتكىزىپ بەرەمىز», – دەيدى "سالاۋاتتى استانا" جشس فيليالىنىڭ جەتەكشىسى الماگۇل بازاروۆا.
كۇنى بويى قارتتار مەن مۇمكىندىگى شەكتەۋلى ناۋقاستار ءىش قۇرىلىس مۇشەلەرىن, جۇرەكتى ۋلترادىبىستىق تەكسەرۋدەن ءوتتى, سونىمەن قاتار كارديولوگ, لور, حيرۋرگ, نەۆروپاتولوگ, ەندوكرينولوگ سياقتى ماماندار قىزمەتىن الدى. قايىرىمدىلىق اكتسياسى اياسىندا اۋىر ناۋقاس قارتتارعا ازىق-ت ۇلىك پاكەتتەرى تاراتىلدى. شاراعا ەرەكشە بالالارى بار كوپ بالالى انالار دا كەلدى.
– مەن ەرەكشە بالانىڭ اناسىمىن. ول ءاردايىم ەرەكشە كۇتىمدى جانە تۇراقتى تەكسەرۋلەردى قاجەت ەتەدى. بۇگىن دارىگەرلەرگە كورسەتكەن اقىسىز قىزمەتى ءۇشىن العىسىم شەكسىز, – دەيدى كوپبالالى انا جانار بەردىقۇلوۆا.
حالىقتىڭ الەۋمەتتىك وسال توپتارى ءۇشىن "سالاۋاتتى استانا" جشس اقىسىز مەديتسينالىق قولداۋدىڭ كەپىلدەندىرىلگەن كولەمى شەڭبەرىندە الەۋمەتتىك تەرەزەنى پايدالانۋعا مۇمكىندىك بەرەدى (كەزەكسىز دارىگەرمەن كەڭەسۋ).
قازىرگى ۋاقىتتا "سالاۋاتتى استانا" جشس-نە تىركەلگەندەردىڭ سانى 70 مىڭعا جۋىقتايدى, ونىڭ ىشىندە كوپ بالالى انالار – 348, مۇگەدەكتەر – 932, جالعىزباستى قارتتار – 18, از قامتىلعان وتباسىلار – 77.
