ەسەپ بويىنشا اتالعان سوما الداعى 3 جىلدا ەكونوميكالىق جانە دەنساۋلىق ساقتاۋ سالاسىنا تۇسكەن سالماقتى جەڭىلدەتىپ, افريكا ەلدەرىنىڭ اياققا تۇرۋىنا كومەكتەسپەك. حالىقارالىق ۆاليۋتا قورىنىڭ باسشىسى بۇل مىندەتتى الەم ەلدەرىنىڭ بىرىگە كوتەرگەنى دۇرىس دەگەن پىكىر ءبىلدىردى.
جالپى, افريكا ەلدەرىندە وزگە مەملەكەتتەرمەن سالىستىرعاندا كوروناۆيرۋس جۇقتىرعاندار مەن ىندەتتەن قايتىس بولعاندار سانى كوپ ەمەس. الايدا ساراپشىلار پاندەميا قۇرلىقتى كەدەيلىك قۇرساۋىندا قالدىرادى دەپ وتىر. جۇمىسىنان ايىرىلعاندار قاتارى كوبەيگەن سوڭ, وتباسىنداعى كىرىس تە 12 پايىزعا تومەندەپ كەتكەن. وسىعان دەيىن حالىقارالىق ۆاليۋتا قورى ىندەت سالدارىن ازايتۋ ءۇشىن شامامەن 26 ملرد دوللار بولگەن. جەكە ۇيىمدار بەرگەن نەسيە مەن باسقا ەلدەردىڭ كومەگىنە قاراماستان, قارجى تاپشىلىعى ءالى دە بار. افريكادا 1,5 ميلليوننان استام ادام ىندەت جۇقتىرىپ, 37 مىڭعا جۋىق ناۋقاس قايتىس بولدى.
