بۇگىندە 1 ميلليوننان استام جەكە كاسىپكەر عانا جۇمىستارىن جۇرگىزىپ وتىر, ولاردىڭ سانى ءبىر جىل ىشىندە 1,2%-عا دەيىن قىسقارعان.
بۇل كورسەتكىشتەر رەسپۋبليكانىڭ 9 وڭىرىندە بايقالادى. اسىرەسە, شىعىس قازاقستان (-9,2%) جانە قوستاناي (-8,6%) وبلىستارىندا جەكە كاسىپكەرلىك ايتارلىقتاي تۇرالاپ قالدى.
ال جۇمىس ىستەپ تۇرعان جەكە كاسىپكەرلەر سانى بويىنشا تۇركىستان وبلىسى (133,2 مىڭ), ودان كەيىن الماتى (120,3 مىڭ) جانە الماتى وبلىسى (109,7 مىڭ) كوش باستاپ تۇر.
باسقا وڭىرلەردە ولاردىڭ سانى 23,9 مىڭ مەن 89,1 مىڭ ارالىعىندا. بۇدان بولەك, ساۋدا جانە اۆتوموبيل جوندەۋ سالاسىنداعى جەكە كاسىپكەرلىك سانى دا كۇرت ازايعان.
ماسەلەن, ترانسپورت جانە قويما سالاسىندا جۇمىس ىستەپ تۇرعان جەكە كاسىپكەرلەر سانى (−7,5 مىڭ نەمەسە 10,4%) جانە جىلجىمايتىن م ۇلىككە بايلانىستى وپەراتسيالار (−6,9 مىڭ نەمەسە 9,4%) توقتاپ تۇر. سونىمەن بىرگە, سەكتورداعى ءوسىم بويىنشا اۋىل, ورمان جانە بالىق شارۋاشىلىعىندا (+11,6 مىڭ نەمەسە 5%) جانە كاسىپتىك, عىلىمي-تەحنيكالىق قىزمەتتە (+4,9 مىڭ نەمەسە 26,7%) بايقالدى.
