داۆيد گريگورەۆيچ قالانىڭ فۋتبول مەكتەبىنىڭ تۇلەگى جانە قازاقستان قۇراماسىنىڭ رەكوردسمەندەرىنىڭ ءبىرى. لوريا فۋتبول مانسابىندا "جەڭىس", "ەسىل", "شاحتەر", "ەرتىس", "قايرات", "ورداباسى" جانە "لوكوموتيۆ" كلۋبتارىنىڭ نامىسىن قورعاپ, 2009 جىلى استانالىق ۇجىم ساپىندا كوماندامەن كۇمىس مەدالدى جەڭىپ الدى. ول سونداي-اق تۇرىكتىڭ "ريزەسپور", "كارشياكا", شۆەتسيالىق "حالمستاد" جانە رەسەيلىك "سپارتاك نالچيك" كلۋبتارىنىڭ نامىسىن قورعاعان.
ەكس-قاقپاشىنىڭ ەنشىسىندە جالپى سانى ءۇش چەمپيوندىق تيتۋل بار. لوريا قازاقستان جاستار قۇراماسى ساپىندا نيگەريادا وتكەن الەم چەمپيوناتىنا قاتىسىپ, ۇلتتىق قۇراما ساپىندا 45 ويىن وتكىزدى.
داۆيد 2019 جىلى فۋتبولداعى مانسابىن اياقتاعان سوڭ, قۇراما كوماندالاردىڭ بۇرىنعى ويىنشىلارى ءۇشىن قۇرىلعان UEFA MIP فۋتبول مەنەدجمەنتى باعدارلاماسى بويىنشا كۋرستارعا ءتۇستى.
