جوبا 23,4 ملرد. تەڭگە ينۆەستيتسيا مولشەرىمەن "قاراپايىم زاتتار ەكونوميكاسى" باعدارلاماسى شەڭبەرىندە ىسكە اسىرىلۋدا.
جىلىنا كولەمى 450 مل بولاتىن 750 ملن اليۋمينيالىق بانكىلەردى جانە سۋسىندار ءۇشىن قاقپاقتاردى ءوندىرۋ جوسپارلانۋدا. جوبادا وسىنداي جابدىقتى وندىرۋدەگى الەمدىك كوشباسشى – "Stolle Machinery" (اقش) كومپانياسىنىڭ ەڭ زاماناۋي تەحنولوگياسى قولدانىلاتىن بولادى.
زاۋىت ءونىمى يمپورتتى الماستىراتىن ءونىم بولىپ تابىلادى جانە وتاندىق تاماق ونەركاسىبىنىڭ اليۋمينيەلىك بانكىگە قاجەتتىلىگىن 75%-ىن جابۋعا مۇمكىندىك بەرەدى. شىعارىلاتىن جالپى كولەمنىڭ 10% ءونىمىن ەكسپورتتاۋ بولجانۋدا.
اۋدانى 22 مىڭ شارشى مەتر بولاتىن زاۋىتتا ۇزىندىعى 800 مەتر وندىرىستىك جەلى ورنالاستىرىلادى, ول 13 وندىرىستىك وپەراتسيالاردان جانە بىرقاتار ساپانى تەكسەرۋ جۇيەلەرىنەن تۇرادى.
جوبادا تولىق اۆتوماتتاندىرىلعان جۇيەلەردى جانە ولشەم جابدىقتارىن قولدانۋ قاراستىرىلعان, وسىنىڭ ارقاسىندا وندىرىستىك جەلىنىڭ جىلدامدىعى سەكۋندىنا 50 بانكى جانە قاقپاقتى نەمەسە مينۋتىنا 3000 دانانى قۇرايدى.
قازاقستان رەسپۋبليكاسى يندۋستريا جانە ينفراقۇرىلىمدىق دامۋ ءمينيسترى بەيبىت باكىر ۇلى اتامقۇلوۆ كاسىپورىنداردى ءوزىمىزدىڭ شيكىزاتپەن قامتاماسىز ەتۋ ماقساتىندا كومپانيا باسشىلىعىنا وتاندىق مەتالل وندىرۋشىلەردى قولدانۋمەن اليۋميني پروكاتىنىڭ ءوندىرىسىن يگەرۋدى ۇسىندى.
ءوندىرىستى 170 جۇمىس ورنىن قۇرۋمەن 2021 جىلدىڭ اياعىندا ىسكە قوسۋ جوسپارلانىپ وتىر.
