CONFIX پوليمەرلى بەتونى تسەمەنتبەتوندى جابىندىداعى شۇرىق-تەسىك پەن شۇڭقىرلاردى جوندەۋگە ارنالعان. "UneedUs" كومپانياسىنىڭ اقپارىنشا, بۇل سوڭعى ونەرتابىستاردىڭ ءبىرى. جاڭاشىلدىعىن ايتار بولساق, فراكتسيالانعان قۇم مەن تسەمەنتتەن قۇرالعان جانە ءتۇرلى پوليمەرلەر قوسىلعان قۇرعاق قوسپا تۇرىندەگى ماتەريال.
CONFIX موديفيكاتسيالانعان ماتەريالى سۋمەن ارالاستىرىلعاندا تەز قاتادى. نەگىزىنەن جابىندىسى بەتوننان بولاتىن اەرودرومدار مەن اۆتوجولدارداعى ءتۇرلى اقاۋلاردى جويۋدا قولدانىلادى. ماسەلەن, شۇڭقىرلار مەن ويدىم-ويدىم تەسىكتەردى جوندەۋدە پايدالانىلادى.
قازىر جولدىڭ تاجىريبە-ەكسپەريمەنتىك اۋماعىندا زەرتتەۋلەر مەن باقىلاۋلار جۇرگىزىلۋدە. وڭ ناتيجە بولعان جاعدايدا اتالعان تەحنولوگيا رەسپۋبليكالىق ماڭىزى بار اۆتوموبيل جولدارىنداعى ورتاشا جوندەۋ جۇمىستارىنا ەنگىزىلمەك.
ەسكە سالا كەتەيىك, ەلىمىزدىڭ اۆتوجول سالاسىندا جاڭا تەحنولوگيالار مەن ماتەريالداردى ەنگىزۋ جۇمىسى بەلسەندى جۇرگىزىلۋدە. جۇمىس ماتەريالدى جۇمساۋ مەن جول كونسترۋكتسيالارىنىڭ وزىندىك قۇنىن تومەندەتىپ, بەرىكتىك مىنەزدەمەلەرىن ارتتىرۋعا جانە جوندەۋارالىق مەرزىمىن ۇلعايتۋعا باعىتتالعان.
