ادام ومىرىمەن ويناۋعا بولمايدى. ونىڭ ۇستىنە كىسى ءولتىرىلۋى قىلمىستىق كودەكس بويىنشا ەڭ اۋىر قىلمىس بولىپ سانالادى. قاساقانا كىسى ولتىرۋشىلەردىڭ جازاسى دا ەڭ اۋىرى. الايدا پەتروپاۆل قالاسىندا وسىنداي قىلمىسپەن وينايتىن ءبىر ايەل شىعىپتى.
قۇرامىندا تەرگەۋشى, كريميناليست ت.ب. بار جەدەل توپ توتەنشە وقيعانىڭ سەبەبىن انىقتاۋ, كىسى ءولتىرۋشى قىلمىسكەردى ۇستاۋ, تەكرگەۋ ماقساتىمەن بارلىق جۇمىستارىن تاستاپ, شۇعىل جولعا شىققان. الايدا ولار ورتا جولعا بارعاندا دابىل بەرۋشى ايەلدىڭ ءوزى حابارلاسىپ, شاقىرتۋدان باس تارتاتىنىن ايتقان.
"ايەل ءوزى قوڭىراۋ شالىپ, اقپاراتتى جوققا شىعارعان. اتالعان مەكەنجاي بويىنشا ۋچاسكەلىك پوليتسيا ينسپەكتورى جىبەرىلدى", دەدى پەتروپاۆل قالاسى پب ەكىنشى پوليتسيا ءبولىمىنىڭ باستىعى رۋسلان سىزدىقوۆ.
پوليتسيا كاپيتانى جانات مۇحامەدجانوۆ پاتەردە ماساڭ كۇيدەگى ايەل مەن ەكى ەر ادامنىڭ بولعانىن انىقتاعان. ايەل وتىرىستا ادام ءولىمى تۋرالى ازىلدەپ, كوڭىل كوتەرمەكشى بولعان. ايەلدىڭ مۇنداي ارەكەتكە بۇعان دەيىن دە بارعانى بەلگىلى بولدى. ناۋرىز ايىندا دا ول وسىلاي "ازىلدەمەك" بولىپ, اكىمشىلىك قۇقىق بۇزۋشىلىق كودەكستىڭ "ارناۋلى قىزمەتتەردi كورiنەۋ جالعان شاقىرۋ" بابى بويىنشا جاۋاپقا تارتىلىپ, 80 مىڭ تەڭگەدەن استام ايىپپۇل تولەگەن ەكەن. ەندىگىسى نە ەكەنىن پوليتسيا بىلە الماي وتىر. وعان پوليتسيا ويىنشىق بولىپ كورىنەتىن بولۋى كەرەك.
جاس بالا ەمەس, جاسامىس ايەلدىڭ وسىنداي قىلىقتارعا بارۋىنىڭ ءوزى – ءتۇرلى كۇدىكتەر تۋدىرادى. الدە وعان مۇنداي بۇزۋشىلىق ءۇشىن تولەگەن ايىپپۇل از كورىندى مە ەكەن؟ شىنىندا, مۇنداي بۇزۋشىلىقتاردى ۇساق دەمەي, ءتيىمدى جازا قولدانۋ كەرەك قوي. پوليتسيامەن ازىلدەپ, مازاق قىلىپ, وتىرىك ايتىپ, ويناماق بولعاندار دەموكراتيالىق دامۋى بارىنشا جوعارى دامىعان ەلدەردە دە قاتاڭ جازاعا تارتىلادى. ماسەلەن, وسىنداي وتىرىك دابىل ءۇشىن گەرمانيادا ادام ەكى جىلعا دەيىن باس بوستاندىعىنان ايىرىلۋى مۇمكىن.
ال امەريكا مۇندايدى "سۆاتينگ" دەپ اتايدى, وندايدى جاساعاندار 10 مىڭ دوللار كولەمىندە ايىپپۇل تولەيدى. ال ىزگىلەندىرۋدى ءپىر تۇتقان ءبىزدىڭ ەلدەگى ايىپپۇل دوللارعا شاققاندا بار بولعانى 200 بولىپ وتىر. وسى ماسەلەنى زاڭدارعا تولىقتىرۋلار مەن وزگەرىستەر ەنگىزگەندە ەسكەرۋ كەرەك سياقتى.
