پەتروپاۆلدىڭ "ەگەمەن قازاقستان" كوشەسىنىڭ بويىنداعى جاتاقحانا تۇرعىندارى بىرنەشە جىل بويى ۇنەمى ايعاي-شۋ, توبەلەس, ۇرىس-كەرىستەن ابدەن زارەزاپ بولعان ەدى. ويتكەنى مۇندا جۇمىس ىستەمەيتىن, اراق-شاراپقا بۇرىلىپ كەتكەن ەركەك-ايەل كوپ بولاتىن. بۇلاردى تەك قاتاڭ جاۋاپكەرشىلىككە تارتۋ ارقىلى عانا تۇزەۋگە بولاتىن ەدى.
ءتارتىپ ساقتاۋعا بەلسەنە كىرىسكەن ۋچاسكەلىك ينسپەكتورلار ءاربىر شاقىرۋ سايىن باسبۇزارلاردى نوقتالاۋدان جالىقپادى. ەگەر ولار ءوز ىستەرىنە ءجۇردىم-باردىم قاراپ, كوز الداۋ ءۇشىن عانا كورىنىپ, قايتىپ كەتەتىن بولسا, تارتىپسىزدىك جالعاسا بەرەر ەدى. بىراق ۋچاسكەلىك ينسپەكتورلار ءوز ىستەرىن تۇپكىلىكتى ورىنداپ, باسبۇزارلاردىڭ ەمىن-ەركىن ويقاستاۋىنا جول بەرمەدى. سونىڭ ارقاسىندا اقىرى ءتارتىپ ورناپ, قازىر تۇرعىنداردىڭ ۋچاسكەلىك ينسپەكتورلارعا ايتار العىسى شەكسىز. «بىزبەن بىرگە بولعاندارىڭىزعا زور العىس ايتامىز», دەپ جازىپتى "ەكۆاتور" پيك ءتورايىمى وكسانا بابىكپاەۆا قالالىق پوليتسيا باستىعىنا جازعان حاتىندا.
"ۋچاسكەلىك پوليتسيا ينسپەكتورى اسحات داركەەۆ پەن بۇرىنعى ينسپەكتور ەلنۇرعا (تەگى ەسىمدە جوق) زور العىس بىلدىرگىم كەلەدى. ءبىز, بىرلەسە وتىرىپ, ءۇش جىل بويى زاڭعا باعىنبايتىن ازاماتتارمەن كۇرەستىك. ءتۇپتىڭ تۇبىندە ءبىز جەڭىپ شىقتىق. تىنىشتىقتا ءومىر ءسۇرىپ جاتقانىمىزعا ءبىر جىلدىڭ ءجۇزى بولدى. قازىر بىزگە جاڭا ۋچاسكەلىك پوليتسيا ينسپەكتورى قىزمەت كورسەتەدى, شاقىرساڭ بىردەن كەلەدى. جىگىتتەرگە دە, باسشىلىعىنا دا راقمەت. ادال, ءتارتىپتى ينسپەكتورلار تەك ءادىل ءارى جاقسى باسشىلاردا عانا بولادى! بىزبەن بىرگە بولعاندارىڭىزعا زور العىس", دەپ جازىپتى ول.
پيك ءتورايىمى پوليتسيانىڭ جۇمىسى تۋرالى ءوزىنىڭ ريزاشىلىق پىكىرىن WhatsApp-تا قۇرىلعان "سقو اۋلالارىن مونيتورينگىلەۋ" توبىنا جولداعان ەكەن. بۇل چات پيك توراعالارىن, جەرگىلىكتى اتقارۋشى بيلىكتى جانە جۇرتشىلىقتى بىرىكتىردى. سوڭعى كەزدەرى تسيفرلىق رەسۋرستاردىڭ كومەگىمەن قۇرىلعان مۇنداي اشىق اڭگىمەلەسۋ, كومەككە مۇقتاج جاندارعا جەدەل قول ۇشىن سوزۋعا سەپتىگىن تيگىزۋدە. بىلدىرىلگەن پىكىرلەر – ۋچاسكەلىك پوليتسيا ينسپەكتورلارىنىڭ ءتيىمدى جۇمىس ىستەيتىندەرىن كورسەتەدى. پرەزيدەنت ءوزىنىڭ جولداۋىندا «قولجەتىمدى پوليتسيا» قاعيداتىن قامتاماسىز ەتۋدى تاپسىردى عوي. ءبىز وسى تالاپتى مۇلتىكسىز ورىنداۋعا ءتيىسپىز. سونىڭ ىشىندە ۋچاسكەلىك ينسپەكتورلاردىڭ حالىقپەن وسىنداي ءوزارا قارىم-قاتىناسى تاپسىرمانى ىسكە اسىرۋعا سەپتىگىن تيگىزەدى", دەيدى پەتروپاۆل قالاسى پب باستىعىنىڭ ءبىرىنشى ورىنباسارى الىبەك عابدۋللين.
قازىر پەتروپاۆلدا 13 ايماقتىق پوليتسيا پۋنكتى جۇمىس ىستەيدى, وندا 97 ۋچاسكەلىك پوليتسيا ينسپەكتورى قىزمەت ەتەدى.
ء"وز ۋچاسكەلىك ينسپەكتورىڭىزدىڭ بايلانىس تەلەفونىن سقو پد رەسمي اككاۋنتتارىنان بىلۋىڭىزگە بولادى" دەگەن حابارلاندىرۋدى ءاربىر ءۇيدىڭ كىرەبەرىسىندەگى حابارلاندىرۋلاردان ءجيى كورۋگە بولادى.
