كاسىپكەرلەردىڭ سىبايلاس جەمقورلىققا ىقپال ەتەتىن سەبەپتەر مەن جاعدايلاردى جويۋعا بەلسەندى قاتىسۋىن قامتاماسىز ەتۋدى ماقسات ەتكەن فورۋمعا كاسىپكەرلەر پالاتاسىنىڭ ديرەكتورى تيمۋر ناحيپبەكوۆ, وبلىس اكىمىنىڭ ورىنباسارى ساكەن قالقامانوۆ, سىبايلاس جەمقورلىققا قارسى ءىس-قيمىل اگەنتتىگى تۇركىستان وبلىسى بويىنشا دەپارتامەنتىنىڭ باسشىسى حاكيم كوشقاليەۆ, وبلىس پروكۋرورىنىڭ ورىنباسارى ارتىقبەك پاشاەۆ, جەرگىلىكتى اتقارۋشى جانە اۋماقتىق ورگاندار مەن بيزنەس-قاۋىمداستىقتىڭ وكىلدەرى قاتىستى. القالى جيىندا ءسوز العان ح.كوشقاليەۆ كاسىپكەرلىكتى قولداۋ جانە قورعاۋ - ەل دامۋىنىڭ باستى كەپىلى ەكەندىگىن اتاپ ءوتىپ, بۇگىندە اگەنتتىكتىڭ باستاماسىمەن ەل اۋماعىندا بيزنەستى دامىتۋ ءۇشىن اكىمشىلىك كەدەرگىلەرگە جول بەرمەۋگە جانە قولايلى ينۆەستيتسيالىق احۋالدى قامتاماسىز ەتۋگە ايرىقشا باسىمدىق بەرىلىپ وتىرعانىن جەتكىزدى. ال دەپارتامەنت باسشىسىنىڭ ءبىرىنشى ورىنباسارى ميراس قارعاباي وڭىردە «Protecting Business and Invesments» جوباسى اياسىندا جالپى قۇنى 466 ملرد تەڭگە بولاتىن 37 جوبا دەپارتامەنتپەن سۇيەمەلدەۋگە الىنىپ, جىل باسىنان بەرى بيزنەستى قورعاۋ شەڭبەرىندە 15 كاسىپكەرلىك سۋبەكتىسىنىڭ قۇقىقتارى قالپىنا كەلتىرىلگەنىن, سونىڭ ناتيجەسىندە 20 لاۋازىمدى تۇلعا قىلمىستىق جاۋاپكەرشىلىككە تارتىلعانىن ءمالىم ەتتى.
جيىن بارىسىندا سىبايلاس جەمقورلىق فاكتىلەرىنە جول بەرمەۋ جانە قانداي دا ءبىر زاڭسىز قىسىم جاساۋ دەرەكتەرىن بولدىرماۋ ماقساتىندا, «رrotecting business and investments» جوباسى اياسىندا, دەپارتامەنت پەن «Turkistan Invest» ينۆەستيتسيا تارتۋ جانە ەكسپورتتى دامىتۋ ايماقتىق اگەنتتىگى اراسىندا مەموراندۋمعا جانە 2 ءىرى بيزنەس قاۋىمداستىقپەن كەلىسىمگە قول قويىلدى. كاسىپكەرلىكتىڭ دامۋىنا كەدەرگى كەلتىرەتىن وزەكتى ماسەلەلەر ورتاعا سالىنىپ, ۇسىنىس-پىكىرلەر تىڭدالدى.
تۇركىستان وبلىسى
