"بيىل ەلىمىزدە قۇراستىرىلىپ جاتقان «LOVOL - 904» دەپ اتالاتىن تەحنيكالاردى الدىق. ارقايسىسى 10 ملن تەڭگەدەن بولدى. «قازاگروقارجى» ۇيىمىنىڭ كومەگىمەن ليزينگ بويىنشا الىنعان تراكتورلاردىڭ 15 پايىزىن باستاپقى جارنا رەتىندە ءوزىمىز تولەدىك. قالعان 85 پايىزىن «قازاگروقارجى» تولەپ بەردى. ەندى 7 جىل ىشىندە نەسيەمىزدى تولەپ, قۇتىلامىز دەگەن جوسپارىمىز بار. جالپى ءبىزدىڭ مەكەمەدە 7 تەحنيكا بار, 10 ازامات تۇراقتى جۇمىس ىستەيدى. سونداي-اق, 750 گەكتار جايىلىم, 129 گەكتار ەگىستىك جەرىمىز بار", – دەيدى سەرىكتەستىك ديرەكتورى قۇرمانعالي تۇرىمبەتوۆ.
جالپى كەلەس اۋدانىنىڭ اۋماعىندا بۇگىنگە دەيىن 1098 اۋىل شارۋاشىلىعى تەحنيكاسى تىركەلگەن. 2018 جىلدان بەرى 45 تەحنيكا جاڭالانعان. ونىڭ ىشىندە بيىل 12 اۋىل شارۋاشىلىعى تەحنيكاسى ساتىپ الىندى. ول تەحنيكالاردىڭ بەسەۋى «كازاگروقارجى» اق كومپانياسى ارقىلى ليزينگكە الىنعان. تاعى ءۇش تەحنيكاعا ليزينگ شارتى جاسالعان جانە قاراشا ايىنا دەيىن ساتىپ الىنباق. ال جەتى تەحنيكانى اۋىل شارۋاشىلىعى تاۋارىن وندىرۋشىلەر ءوز قاراجاتىنا العان.
تۇركىستان وبلىسى
