"ەلىمىزدىڭ بالىق جانە بالىق ونىمدەرى نارىعىنىڭ جالپى كولەمى 2019 جىلى شامامەن 66 مىڭ توننانى قۇرادى. ونىڭ قۇرىلىمى كەلەسىدەي: بالىق اۋلاۋ – 45 مىڭ توننا, بالىق ءوسىرۋ – 7,5 مىڭ تونناعا جۋىق, ەكسپورت – 30 مىڭ توننا, سونداي-اق يمپورت 43,5 مىڭ توننا. قازاقستان مۇحيت بالىقتارى مەن تەڭىز ونىمدەرىن يمپورتتايدى. ولار: مايشاباق, سكۋمبريا, كرەۆەتكالار, ميديا جانە تاعى باسقالارى", دەيدى م.مىرزاعاليەۆ.
ءوز كەزەگىندە, قازاقستان جىل سايىن جاقىن جانە الىس شەتەلدىڭ 36 ەلىنە شامامەن 60 ملن اقش دوللارى سوماسىنا 30 مىڭ توننا بالىق ونىمدەرىن ەكسپورتتايدى.
"رەسەي مەن قىتايدا بالىق ونىمدەرىنە سۇرانىس جوعارى دەڭگەيدە. بۇل ەكى ەلدەگى بىزبەن شەكارالاس اۋداندارىنىڭ نارىعى ءۇش (3) ملن تونناعا دەيىن جەتەدى. ناتيجەسىندە, ءبىزدىڭ ەكسپورتتىق الەۋەتتى 300 مىڭ تونناعا دەيىن ۇلعايتۋعا مۇمكىندىك پايدا بولادى", دەدى ەكولوگيا ءمينيسترى.
