قوعام • 05 قازان، 2020

ەرلان تۇرعىمباەۆ ءوز بالالارىن ۇرىپ-سوققان ەر ادامنىڭ ىسىنە قاتىستى پىكىر ءبىلدىردى

452 رەت كورسەتىلدى

ىشكى ىستەر ءمينيسترى ەرلان تۇرعىمباەۆ تۇركىستان وبلىسىندا ءوز بالالارىن ۇرىپ-سوققان اكەنىڭ ىسىنە قاتىستى پىكىر ءبىلدىردى، دەپ حابارلايدى Egemen.kz.

"تۇركىستان وبلىسىنداعى جاعدايعا كەلسەك، بالالاردىڭ اناسى بۇعان دەيىن دە كۇيەۋىنىڭ ۇستىنەن بىرنەشە رەت شاعىم تۇسىرگەن. بىراق ارىز جازباعان، كۇيەۋىنەن اجىراسۋعا ءوتىنىش بەرمەگەن. بۇل جەردە پوليتسەيلەردىڭ جۇمىسىن ايقىندايتىن وزىندىك زاڭنامالىق تۇستار بار. ءبىز شاعىمسىز ول ايەلدىڭ جولداسىن 3 ساعاتتان ارتىق قاماۋدا ۇستاي المايمىز. سونداي-اق سەبەپسىز اكىمشىلىك جاۋاپكەرشىلىككە دە تارتا المايمىز"، - دەدى ەرلان تۇرعىمباەۆ.

ايتا كەتەيىك، كەشە الەۋمەتتىك جەلىلەردە ەر ادامنىڭ كامەلەتكە تولماعان بالانى ۇرىپ-سوعىپ جاتقان بەينەجازباسى تارادى. اتالعان جايت سوتقا دەيىنگى تەرگەۋ تىزىلىمىنە قر قك 110-بابى 2-بولىگى "ازاپتاۋ" بويىنشا تىركەلدى. پوليتسەيلەر وقيعانىڭ تۇركىستان وبلىسىندا بولعانىن انىقتادى. كوپ ۇزاماي بالالارىن ۇرىپ-سوققان اكە قاماۋعا الىندى.



سوڭعى جاڭالىقتار

الەم كۋبوگى وتەدى

سپورت • كەشە

ۇقساس جاڭالىقتار